ଲକ୍ଷ୍ନୌ: ଆୟକର ବିଭାଗ ଉତ୍ତରପ୍ରଦେଶର ଆଗ୍ରାଠାରେ ତିନି ଜୋତା ବ୍ୟବସାୟୀଙ୍କ ଉପରେ ଚଢଉ କରିଛି। ଏହି ଅବଧି ମଧ୍ୟରେ, ତାଙ୍କ ସମ୍ପତ୍ତିରେ ଅଗଣିତ ସମ୍ପତ୍ତି ମିଳିଛି। ଜୋତା ବ୍ୟବସାୟୀଙ୍କ ଘରେ ବିଡ଼ା ବିଡ଼ା ଟଙ୍କାର ପାହାଡ଼ । ସରକାରୀ ସୂତ୍ରରୁ ପ୍ରକାଶ ଯେ ବର୍ତ୍ତମାନ ପର୍ଯ୍ୟନ୍ତ ତିନି ଜୋତା ବ୍ୟବସାୟୀଙ୍କଠାରୁ ୪୦ କୋଟି ଟଙ୍କା ମୂଲ୍ୟର ନଗଦ ଟଙ୍କା ମିଳିଛି। ଅବଶିଷ୍ଟ ନଗଦ ଟଙ୍କାର ଗଣନା ଜାରି ରହିଛି। ବ୍ୟାଙ୍କ ଅଧିକାରୀ ଏବଂ କର୍ମଚାରୀଙ୍କୁ ୫୦୦ ଟଙ୍କିଆ ନୋଟ ବିଡା ଗଣନା କରିବାକୁ ଦାୟିତ୍ୱ ଦିଆଯାଇଛି।
ଚଢଉ ସ୍ଥାନରେ ନଗଦ ଟଙ୍କା ଏତେ ରହଛି ଯେ ସମଗ୍ର କୋଠରୀ ୫୦୦ ଟଙ୍କିଆ ନୋଟର ବଣ୍ଡଲରେ ଭରି ରହିଛି। ଏପର୍ଯ୍ୟନ୍ତ ୪୦ କୋଟି ଟଙ୍କା ଗଣାଯାଇଛି, ଯାହାର କୌଣସି ହିସାବ ନାହିଁ। ଅବଶିଷ୍ଟ ରାଶି ଗଣନା ଜାରି ରହିଛି। ମିଳିଥିବା ବିପୁଳ ପରିମାଣର ନଗଦ ଟଙ୍କା ଗଣନା କରୁଥିବାବେଳେ ଅଧିକାରୀ ଏବଂ କର୍ମଚାରୀମାନେ ହାଲିଆ ହୋଇଯାଇଛନ୍ତି। ସୂଚନାନୁସାରେ, ଆୟକର ବିଭାଗ ଟିକସ ଠକେଇ ଏବଂ ଆୟ ବହିର୍ଭୁତ ସମ୍ପତ୍ତିଠୁଳ ସନ୍ଦେହ କରି ଆୟକର ବିଭାଗ ଦଳ ଉକ୍ତ ତିନିଜଣ ଦୋକାନାଙ୍କ ଘରେ ପହଞ୍ଚି ଚଢାଉ ଆରମ୍ଭ କରିଥିଲା।
ତେବେ ବର୍ତ୍ତମାନ ବିଭାଗୀୟ ଅଧିକାରୀମାନେ ଏହି ପ୍ରସଙ୍ଗରେ ଅଧିକ ସୂଚନା ଦେଇନାହାଁନ୍ତି। ଏହି ଚଢଉ ସମୟରେ ଆଇଟି ଅନେକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଜବତ କରିଛି। ଆୟକର ଦଳ ଫାଇଲ ଏବଂ ଇଲେକ୍ଟ୍ରୋନିକ୍ ଉପକରଣଗୁଡ଼ିକୁ ମଧ୍ୟ ଯାଞ୍ଚ କରୁଛନ୍ତି। ଏହାପୂର୍ବରୁ ଆୟକର ବିଭାଗ କାନପୁରରେ ବ୍ୟାପକ ଚଢାଉ କରିଥିଲା। ବିଭାଗ ଏଠାରେ ବଂସିଧର ତମାଖୁ କମ୍ପାନୀ ଉପରେ ଚଢଉ କରିଥିଲା। କାନପୁର ବ୍ୟତୀତ ଏହି କମ୍ପାନୀ ମୁମ୍ବାଇ, ଦିଲ୍ଲୀ ଏବଂ ଗୁଜୁରାଟରେ ମଧ୍ୟ ଏହାର ବ୍ୟବସାୟକୁ ବିସ୍ତାର କରିଥିଲା। ଏ ସମ୍ପର୍କରେ ସୂଚନା ପାଇବା ପରେ ପ୍ରାୟ ୨୦ଟି ସ୍ଥାନରେ ଚଢଉ କରାଯାଇଥିଲା।
Comments are closed.