ନାଗୌର: ରାଜସ୍ଥାନର ନାଗୌରରେ ପକ୍ଷୀ ପ୍ରେମୀଙ୍କ ମନ କିଣିବା ପରି କାର୍ଯ୍ୟ ହୋଇଛି । ପକ୍ଷୀମାନେ ରହିବା ପାଇଁ ୭ ମହଲାର ଘର ପ୍ରସ୍ତୁତ କରାଯାଇଛି । ପାଖାପାଖି ୩ ହଜାର ପକ୍ଷୀ ଏଠାରେ ସୁରକ୍ଷିତ ଭାବେ ରହିପାରିବେ । ସେମାନଙ୍କ ପାଇଁ ୨୪ ଘଂଟା ଖାଦ୍ୟ ପାନୀୟର ବ୍ୟବସ୍ଥା କରାଯାଇଛି । ଚଂଚଳ ଦେବୀ ବାଲଚାନ୍ଦ ଲୁଣାୱତ ଟ୍ରଷ୍ଟ, ଆଜମେର ଦ୍ୱାରା ପୀହ ଗ୍ରାମରେ ଏହି ୬୫ ଫୁଟ ଉଚ୍ଚର ବାର୍ଡ ହାଉସ ନିର୍ମିତ କରାଯାଇଛି । ଏଥିରେ ୧ କୋଟି ଟଙ୍କା ଖର୍ଚ୍ଚ ହୋଇଛି ।
ପିଲାମାନଙ୍କ ପାଇଁ ପାର୍କ, ବୟସ୍କଙ୍କ ପାଇଁ ପ୍ରାର୍ଥନା କକ୍ଷ ରହିଛି । ସେହିପରି ୪୦୦ରୁ ଊର୍ଦ୍ଧ୍ୱ ଗଛ ଏଠାରେ ଲଗାଯାଇଛି । ଜୈନ ସନ୍ଥ ରୂପ ମଣିଙ୍କ ପ୍ରେରଣାରେ ୧୮ରୁ ୨୦ ଯୁବକ ଏହି ଟାୱାର ପ୍ରସ୍ତୁତ କରିଥିଲେ । ଏଥିପାଇଁ ବିଭିନ୍ନ ମାଧ୍ୟମରେ ଆସୁଥିବା ଅର୍ଥକୁ ଫିକ୍ସଡ ଡିପୋଜିଟ କରାଯାଇଛି । ଏହାର ସୁଧରେ ପକ୍ଷୀମାନଙ୍କ ଆବଶ୍ୟକ କାର୍ଯ୍ୟ ପୂରଣ କରାଯାଇଛି । ବର୍ତମାନ ୫୦ ଲକ୍ଷ ଟଙ୍କା ଏହି ଏଫଡିରେ ରହିଛି ।
Comments are closed.