ମାଲକାନଗିରି: ସୀମାନ୍ତ ଛତିଶଗଡ଼ ବିଜାପୁର ଜିଲ୍ଲାରେ ସୁରକ୍ଷାକର୍ମୀଙ୍କୁ ମିଳିଛି ବଡ଼ ସଫଳତା । ୩୦ ଜଣ ମାଓବାଦୀ ବିଜାପୁର ଏସ୍ପିଙ୍କ ନିକଟରେ ଆତ୍ମସମର୍ପଣ କରିଛନ୍ତି । ସେମାନଙ୍କ ମଧ୍ୟରୁ ୨୦ ମାଓବାଦୀଙ୍କ ମୁଣ୍ଡରେ ପୁରସ୍କାର ରହିଥିଲା । ସେମାନଙ୍କ ଉପରେ ମୋଟ ୮୧ ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା।
ବିଜାପୁର ଏସପି ଜିତେନ୍ଦ୍ର ଯାଦବ କହିଛନ୍ତି ଯେ, ସମସ୍ତ ଆତ୍ମସମର୍ପଣ କରିଥିବା ନକ୍ସଲବାଦୀ ସରକାରଙ୍କ ନୂତନ ନକ୍ସଲ ପୁନର୍ବାସ ନୀତି ଦ୍ୱାରା ପ୍ରଭାବିତ ହେବା ପରେ ହିଂସାର ପଥ ଛାଡିବାକୁ ନିଷ୍ପତ୍ତି ନେଇଛନ୍ତି ।
ବିଜାପୁର ଏସପି ଜିତେନ୍ଦ୍ର ଯାଦବ ଗଣମାଧ୍ୟମକୁ କହିଛନ୍ତି ଯେ ଆତ୍ମସମର୍ପଣ କରିଥିବା ନକ୍ସଲମାନଙ୍କ ମଧ୍ୟରେ ବିଭିନ୍ନ କ୍ୟାଡରର ମାଓବାଦୀ ସାମିଲ ଅଛନ୍ତି।
ସମସ୍ତ ନକ୍ସଲବାଦୀ ଦାନ୍ତେୱାଡା ରେଞ୍ଜର ଡେପୁଟି ଇନ୍ସପେକ୍ଟର ଜେନେରାଲ ଅଫ୍ ପୋଲିସ, ବିଜାପୁର ଏସପି ଜିତେନ୍ଦ୍ର ଯାଦବ ଏବଂ ସିଆରପିଏଫ ଅଧିକାରୀଙ୍କ ସମ୍ମୁଖରେ ଆତ୍ମସମର୍ପଣ କରିଥିଲେ।
ସରକାରଙ୍କ ପୁନର୍ବାସ ନୀତି ଅନୁଯାୟୀ, ସମସ୍ତ ଆତ୍ମସମର୍ପଣ କରିଥିବା ନକ୍ସଲବାଦୀଙ୍କୁ ପ୍ରୋତ୍ସାହନ ସ୍ୱରୂପ ପ୍ରତ୍ୟେକଙ୍କୁ ୫୦,୦୦୦ ଟଙ୍କାର ଚେକ୍ ଦିଆଯାଇଛି।
ବିଜାପୁର ପୋଲିସ ଏସପି ଜିତେନ୍ଦ୍ର ଯାଦବ ନକ୍ସଲବାଦୀମାନଙ୍କୁ ସରକାରଙ୍କ ପୁନର୍ବାସ ନୀତିର ସୁଯୋଗ ନେଇ ଶାନ୍ତି ଏବଂ ବିକାଶର ପଥ ବାଛି ଏକ ସମ୍ମାନଜନକ ଜୀବନଯାପନ କରିବାକୁ ନିବେଦନ କରିଛନ୍ତି। ସେ କହିଛନ୍ତି ଯେ ସମାଜ ଏବଂ ପରିବାର ସେମାନଙ୍କୁ ଫେରି ପାଇବାକୁ ଚାହୁଁଛନ୍ତି। ସରକାରଙ୍କ ଯୋଜନାଗୁଡ଼ିକ ଏବେ ନକ୍ସଲବାଦୀମାନଙ୍କୁ ଆକର୍ଷିତ କରୁଛି। ଫେରିବାର ଏହା ହିଁ ସଠିକ୍ ସମୟ।
Comments are closed.