ଭୁବନେଶ୍ୱର: ଓଡ଼ିଶା ଡ଼ିଜିପି ବି କେ ଶର୍ମା ସୂଚନାଦେଇ କହିଛନ୍ତି ଯେ, ରାଜ୍ୟର ବିଭିନ୍ନ ସ୍ଥାନରେ କେବଳ ଶନିବାର ଦିନ ମଧ୍ୟସ୍ଥତା କରୁଥିବା ଅଭିଯୋଗରେ ୩୧ ଜଣ ଦଲାଲଙ୍କୁ ଗିରଫ କରାଯାଇଛି ।
ସବୁଠୁ ମଜାର କଥାହେଲା, କେବଳ ଯାଜପୁର ଆଞ୍ଚଳିକ ପରିବହନ କାର୍ଯ୍ୟାଳୟ ପରିସରରୁ ସର୍ବାଧିକ ୯ ଜଣ ଦଲାଲଙ୍କୁ ଗିରଫ କରାଯାଇ ପାରିଛି ।
ସେହିପରି ଭୁବନେଶ୍ୱରର କେତେକ ହସ୍ପିଟାଲ ପରିସରରୁ ୩ ଜଣ ଦଲାଲଙ୍କୁ ପୋଲିସ ଗିରଫ କରି ଥାନାକୁ ନେଇଛି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କଡ୍ଡା ନିର୍ଦ୍ଦେଶ ଅନୁଯାୟୀ, ମେଡ଼ିକାଲ ପରିସରରେ ରୋଗୀମାନଙ୍କୁ ଶୋଷଣ କରୁଥିବା ଦଲାଲମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଜାରି କରିଥିଲେ ।
ଏହିକ୍ରମରେ ବିଭିନ୍ନ ସରକାରୀ ହସ୍ପିଟାଲ, ପରିବହନ କାର୍ଯ୍ୟାଳୟ, ମେଡ଼ିକାଲ କଲେଜ, ରକ୍ତ ଭଣ୍ଡାର ଏବଂ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଗୁଡ଼ିକରେ ଛାନଭିନ୍ନ କରାଯାଇ ପୋଲିସ ଦଲାଲମାନଙ୍କୁ ଗିରଫ କରୁଛି ।
ଏଠାରେ ସୂଚନାଯୋଗ୍ୟ, ଗତ ୪ ଦିନ ମଧ୍ୟରେ ରାଜ୍ୟର ବିଭିନ୍ନ ସରକାରୀ ହସ୍ପିଟାଲ ଏବଂ ପରିବହନ କାର୍ଯ୍ୟାଳୟ ପରିସରରୁ ପୋଲିସ ଇତିମଧ୍ୟରେ ସର୍ବମୋଟ ୧୩୬ ଜଣ ଦଲାଲଙ୍କୁ ଗିରଫ କରିସାରିଛି ।
Comments are closed.