ବାରିପଦା: ଡିସେମ୍ବର ୧୮ ତାରିଖ ଦିନ ମୟୂରଭଞ୍ଜ ଜିଲ୍ଲାରେ ପୋଲିସ ଉପରେ ହୋଇଥିବା ଆକ୍ରମଣ ଅଭିଯୋଗରେ ଶୁକ୍ରବାର ଚାରି ମହିଳାଙ୍କୁ ଗିରଫ କରିଛି ପୋଲିସ। ଡାହିସାହିରୁ ୩ ଜଣ ଓ ଗୋହିରାରୁ ଜଣେ ମହିଳା ଗିରଫ ହୋଇଛନ୍ତି ।
ବେଆଇନ ଗଚ୍ଛିତ ବାଲିକୁ ଜବତ କରିବାକୁ ଯାଇଥିବା ବେଳେ କପ୍ତିପଦା ଥାନା ଅଧିକାରୀଙ୍କୁ ଆକ୍ରମଣ କରାଯାଇଥିଲା। ଘଟଣାର ୯ ଦିନ ପରେ ୪ମହିଳାଙ୍କୁ ଗିରଫ କରିଛି ପୋଲିସ । ଏବେବି ୨ ଅଭିଯୁକ୍ତ ଫେରାର ଅଛନ୍ତି । ଗତ ୧୮ ତାରିଖରେ କପ୍ତିପଦା ଆଇଆଇସି ପ୍ରକାଶ ରଥ ଡାହୀସାହି ଅଞ୍ଚଳରେ ବେଆଇନ ଭାବେ ଗଛିତ ଥିବା ବାଲି ଜବତ କରିବା ପାଇଁ ଚଢ଼ାଉ କରିଥିଲେ।
ଚଢଉ ବେଳେ ବାଲି ମାଫିଆ ମନୋରଞ୍ଜନ ପାଣିଗ୍ରାହୀଙ୍କ ସ୍ତ୍ରୀ ଅମ୍ରିତା ପାଣିଗ୍ରାହୀଙ୍କ ସମେତ ୬ ଜଣ ମହିଳା ଆଇଆଇସିଙ୍କୁ ଆକ୍ରମଣ କରିଥିଲେ। ଏହାସହିତ ପୋଲିସ ଭ୍ୟାନ ମଧ୍ୟ ଭଙ୍ଗାରୁଜା କରିଥିଲେ। ଆକ୍ରମଣରେ ଥାନା ଅଧିକାରୀ ପ୍ରକାଶ ରଥ ଆହତ ହୋଇଥିଲେ। ଏହି ଘଟଣାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି।