ନୂଆଦିଲ୍ଲୀ: ଭାରତ-ଚୀନ ସଂଘର୍ଷ ଯୋଗୁ ୨୦ ଯବାନ ଆମର ଶହୀଦ ହୋଇଛନ୍ତି । ଏଥିନେଇ ସାରା ଦେଶରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଭାରତ ଅର୍ଥନୀତିରେ ଚୀନକୁ ଝଟକା ଦେବା ଲକ୍ଷ୍ୟରେ ଯୋଜନା ଆରମ୍ଭ କରିଛି । ଆସନ୍ତୁ ଜାଣିବା ଚୀନର କେଉଁ ୫ କମ୍ପାନୀ ଭାରତରୁ କୋଟି କୋଟି ଟଙ୍କା ବୋହି ନେଉଛନ୍ତି ।
ମୋବାଇଲ କମ୍ପାନୀ ଶାଓମି ଭାରତର ଏକ ଚତୁର୍ଥାଂଶ ବଜାର ଉପରେ କବଜା କରିଛି । ୨୬ ପ୍ରତିଶତ ମୋବାଇଲ ଉପଭୋକ୍ତା ଏହାକୁ ବ୍ୟବହାର କରୁଛନ୍ତି । ଏହା ପଛକୁ ରହିଛି ଟିକଟକ୍ । ହ୍ୱାଇଟଡାଂସ କମ୍ପାନୀର ଏହି ପ୍ରଡକ୍ଟ ଭାରତରେ ୧୧.୯ କୋଟି ଲୋକ ବ୍ୟବହାର କରୁଛନ୍ତି । ଏହାର ଆଉ ଏକ ପ୍ରଡକ୍ଟ ହାଲୋ ଆପ୍ ମଧ୍ୟ ମାସକୁ ୫ କୋଟି ଆକ୍ଟିଭ ୟୁଜର୍ସ କରି ସାରିଲାଣି । ଚୀନର ଏହି ଆପ୍ ଭାରତର ଶେୟାରଚାଟ ଆପକୁୂ କଡା ଟକ୍କର ଦେଉଛି ।
ମୋବାଇଲ କମ୍ପାନୀ ଭିଭୋ ମଧ୍ୟ ଭାରତରୁ ଭଲ ମାଲ କମାଉଛି । ସାଓମି, ଭିଭୋ, ଓପ୍ପୋ ଓ ରିୟଲମି ମୋବାଇଲ କମ୍ପାନୀ ଭାରତର ୬୭ ପ୍ରତିଶତ ୟୁଜର୍ସଙ୍କୁ ହାତେଇ ସାରିଛନ୍ତି । ୟୁସି ବ୍ରାଉଜରକୁ ସାରା ବିଶ୍ୱରେ ୧.୧ ଅରବ ଲୋକ ଡାଉନଲୋଡ କରିଛନ୍ତି । ୫୦ ପ୍ରତିଶତ ଭାରତୀୟଙ୍କ ମୋବାଇଲରେ ଏହି ଆପ ରହିଛି । ଏହା ପଛକୁ ରହିଛି ପବଜୀ ଗେମ୍ । ବିଶ୍ୱରେ ଏହାର ୫୫.୫ କୋଟି ୟୁଜର୍ସ ମଧ୍ୟରୁ ଭାରତରେ କେବଳ ୧୧.୬ କୋଟି ରହିଛନ୍ତି । ଏହି ଚୀନ କମ୍ପାନୀଙ୍କୁ ଭାରତରୁ ବିଦା କଲେ ଏହାର ଅର୍ଥନୀତି ନିଶ୍ଚିତ ଭାବେ ପ୍ରଭାବିତ ହେବ ବୋଲି ବିଶେଷଜ୍ଞମାନେ କହିଛନ୍ତି ।
Comments are closed.