ବରଗଡ: ବରଗଡରେ ବଡ ଧରଣର ଡ଼କାୟତି ଉଦ୍ୟମ ବିଫଳ ହୋଇଛି । ଡକାୟତ ଗ୍ୟାଙ୍ଗକୁ କାବୁ କଲା ବରଗଡ଼ ଟାଉନ ଥାନା ପୋଲିସ । ସେମାନଙ୍କ ନିକଟରୁ ୫ଟି ବନ୍ଧୁକ, ୩୪ଟି ଯିବନ୍ତ ଗୁଳି, ୨ଟି ମୋଟର ସାଇକେଲ, ୭ଟି ମୋବାଇଲ ଫୋନ୍ ସମେତ ବିଭିନ୍ନ ବ୍ୟବହୃତ ସାମଗ୍ରୀ ଜବତ ସହ ୫ ଜଣଙ୍କୁ ଗିରଫ କରିଛି ବରଗଡ଼ ଟାଉନ ପୋଲିସ ।
ବରଗଡ଼ ସହରରେ ଡକାୟତ କରିବା ପାଇଁ ଚାଲିଥିଲା ଉଦ୍ୟମ । କୌଣସି ଏକ ବିଶେଷ ସୂତ୍ରରୁ ଖବର ପାଇ ଏସପିଙ୍କ ନିର୍ଦ୍ଦେଶରେ ପୋଲିସ ପାଟ୍ରୋଲିଙ୍ଗ ଟିମ୍ ରାତି ପ୍ରାୟ ୩ଟା ସମୟରେ ଜୀରା ବ୍ରିଜରେ ୫ ଜଣ ଡକାୟତଙ୍କୁ କାବୁ କରିଥିଲା ।
ଡକାୟତି ଗ୍ୟାଙ୍ଗରେ ବିହାରର ୨ ଜଣ ଏବଂ ବରଗଡ ଜିଲ୍ଲାର ୩ ଜଣ ଡକାୟତ ଥିବା ଜଣାପଡିଛି । ତେବେ ଆଜି ସମସ୍ତ ୫ ଜଣ ଅଭିଯୁକ୍ତଙ୍କ ପାପୁଲି ଚି଼ହ୍ନ ଓ ଫୋଟୋ ଇତ୍ୟାଦି ସଂଗ୍ରହ କରିବା ପରେ କୋର୍ଟ ଚାଲାଣ କରାଯାଇଥିବା ସାମ୍ବାଦିକ ସମ୍ମିଳନୀରେ କହିଛନ୍ତି ବରଗଡ ଆରକ୍ଷୀ ଅଧିକ୍ଷକ ପ୍ରହଲ୍ଲାଦ ସାହାଇ ମିନା l