ରୋମ: ଇଟାଲୀରେ କିଲର କରୋନା ନେଲାଣି ୫୧ ଜଣ ଡାକ୍ତରଙ୍କ ଜୀବନ । ଏହି ସମସ୍ତ ଡାକ୍ତରମାନେ କରୋନା ସଂକ୍ରମିତଙ୍କ ଚିକିତ୍ସା କରୁଥିଲେ । ସିଏନଏନ ରିପୋର୍ଟ ଅନୁସାରେ ଏହି ତଥ୍ୟ ସମ୍ମୁଖକୁ ଆସିଛି । ଇଟାଲି ଡାକ୍ତରସଂଘର ମୁଖ୍ୟ ଫିଲିଫ ଅନେଲି ଏଥିପାଇଁ ଅଧ୍ଚଳ ଆବଶ୍ୟକୀୟ ସୁରକ୍ଷା ବନ୍ଦୋବସ୍ତ କରିବା ପାଇଁ ସରକାରଙ୍କୁ ଅନୁରୋଧ କରିଛନ୍ତି ।
ଇଟାଲିରେ ଏହି ମହାମାରୀକୁ ନିୟନ୍ତ୍ରଣକୁ ଆଣିବା ପାଇଁ ସମସ୍ତ ପ୍ରକାର ଉଦ୍ୟମ କରାଯାଇଥିଲେ ମଧ୍ୟ ତାହା ଏ ପର୍ଯ୍ୟନ୍ତ ସଫଳ ହୋଇପାରି ନାହିଁ । ବିଶେଷଜ୍ଞଙ୍କ ମତରେ କରୋନା ଯୋଗୁ ଇଟାଲୀ ଇଟାଲୀ ଆହୁରି ଅସୁବିଧାର ସମ୍ମୁଖୀନ ହେବ । ସେତିକି ଯତ୍ନବାନ୍ ନ ହେଲେ ଏହାକୁ ରୋକିବା କଷ୍ଟକର । ଏ ପର୍ଯ୍ୟନ୍ତ ଇଟାଲୀରେ ୧୦୦୦୦ କରୋନା ସଂକ୍ରମିତ ମୃତ୍ୟବରଣ କରି ସାରିଲେଣି । କରୋନା ଭାଇରସ ନେଇ ପ୍ରାରମ୍ଭରୁ ଖାମଖିଆଲ ହେବା ସେମାନଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି ।
Comments are closed.