ଭୁବନେଶ୍ୱର: ଭୁବନେଶ୍ୱରରେ ବିଭିନ୍ନ ଉନ୍ନୟନମୂଳକ ପ୍ରକଳ୍ପ ଅଗ୍ରଗତି ସମୀକ୍ଷା କରିଛନ୍ତି ଫାଇଭ ଟି ସଚିବ ଭି. କେ. ପାଣ୍ଡିୟାନ୍ । ଆଜି ସକାଳୁ ବିଭିନ୍ନ ସ୍ଥାନ ପରିଦର୍ଶନ କରିଥିଲେ । ବରମୁଣ୍ଡାରେ ନିର୍ମାଣଧୀନ ଅତ୍ୟାଧୁନିକ ଇଣ୍ଟର ଷ୍ଟେଟ୍ ବସ୍ ଟର୍ମିନାଲ କାମର ଅନୁଧ୍ୟାନ କରିଛନ୍ତି ।
୨୦୨୨ ଜୁନ୍ ସୁଦ୍ଧା ବସ୍ ଟର୍ମିନାଲ ନିର୍ମାଣ କାମ ଶେଷ ହେବ । ୧୫ ଏକକରୁ ଅଧିକ ଜାଗାରେ ନିର୍ମାଣଧୀନ ଏହି ପ୍ରକଳ୍ପରେ ୧୮୦ କୋଟି ଟଙ୍କା ଖର୍ଚ୍ଚ ହେବ । ଖଣ୍ଡଗିରିରେ ୩୦୦ ବସ୍ ପାର୍କିଂ କ୍ଷମତା ବିଶିଷ୍ଟ ବସ୍ ଡିପୋ ମଧ୍ୟ ଏହାର ଏକ ଅଂଶ । ଉନ୍ନତମାନ କାମ ଓ ନିର୍ଦ୍ଧାରିତ ସମୟରେ ସାରିବା ଉପରେ ଗୁରୁତ୍ୱ ଦେଇଛନ୍ତି ଫାଇଭ୍ ଟି ସଚିବ ।
Secretary @PWD_Odisha Sri Krishan Kumar, @bmcbbsr Commissioner Sri Sanja K Singh, Spl Secretary to CM Sri @rvineel_krishna Krishna, ED @idco_odisha Sri Bhupendar Poonia and senior project officials were present during the site visit. pic.twitter.com/QRV6MZPEGt
— I & PR Department, Odisha (@IPR_Odisha) July 25, 2021
ସେହିପରି ଇନଫୋସିଟି ଅଞ୍ଚଳରେ ଚାଲିଥିବା ଇଡକୋ କନଷ୍ଟ୍ରକ୍ସନ ସାଇଟରେ ଫାଇଭ୍ ଟି ସଚିବ କାମ ତଦାରଖ କରିଛନ୍ତି । କେୟାର ହସ୍ପିଟାଲ ନିକଟରେ ବସ୍ତି ଅଞ୍ଚଳ ପାଇଁ ହେଉଥିବା ହାଉସିଂ ପ୍ରୋଜେକ୍ଟ କାମର ଅଗ୍ରଗତିର ସମୀକ୍ଷା କରିଛନ୍ତି । ଚନ୍ଦ୍ରଶେଖରପୁରରେ ପିପିିିପି ମୋଡରେ ବିଡିଏ ପକ୍ଷରୁ ସୁଲଭ ଗୃହ ନିର୍ମାଣ କାମ ଚାଲିଛି ।
୨୦.୨୧ ଏକର ଜାଗାରେ ୨୬ ଶହ ଘର ନିର୍ମାଣ କରାଯାଉଛି । ଏହି କଲୋନୀରେ ପ୍ରାଥମିକ ସ୍କୁଲ, ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର, ସପିଂ ଏରିଆ ଓ ଖେଳିବା ପାଇଁ ବ୍ୟବସ୍ଥା ରହିବ । ଏହି ପ୍ରକଳ୍ପ ଦୁଇଟି ପର୍ଯ୍ୟାୟରେ ସେପ୍ଟେମ୍ବର ୨୦୨୨ ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି ।
The housing project with 2600 houses will have facilities like primary school, health centre, shopping & play area etc. Sri Pandian suggested that the allotment of the houses can be made soon so that the beneficiaries also can monitor the progress and quality of the construction. pic.twitter.com/ndYE3pJpK1
— I & PR Department, Odisha (@IPR_Odisha) July 25, 2021
ଏହା ବ୍ୟତୀତ ଜୟଦେବ ବିହାର-ପଟିଆ ରାସ୍ତାରେ ଟ୍ରାଫିକ ଭିଡ କମ୍ କରିବାକୁ ପୂର୍ତ୍ତ ବିଭାଗ ପକ୍ଷରୁ ବାମପାର୍ଶ୍ୱ ସମାନ୍ତରାଳ ସଡ଼କ ପ୍ରକଳ୍ପ ଜାରି ରହିଛି । ଏହି ରାସ୍ତା ପର୍ଯ୍ୟାୟକ୍ରମେ ସିଆରପିଏଫ୍ ସ୍କୋୟାରରୁ ଇନିଷ୍ଟିଚ୍ୟୁଟ୍ ଅଫ୍ ମାଥମେଟିକ୍ସକୁ ସଂଯୋଗ କରିବ ।
ମୋଟ୍ ୧୩.୬ କିଲୋମିଟର ରାସ୍ତା ନିର୍ମାଣରେ ଖର୍ଚ୍ଚ ହେବ ୯୨ କୋଟି ଟଙ୍କା । ବର୍ତ୍ତମାନ ଜାଭିୟର ସ୍କୋୟାରରୁ ଇନଫୋସିଟିକୁ ସଂଯୋଗ କରୁଥିବା ୫.୧୭ କିଲୋମିଟର ରାସ୍ତାର ୬ ଲେନ୍ କାମ ଚାଲିଛି । ୨୦୨୨ ସୁଦ୍ଧା ଏହି ପ୍ରକଳ୍ପ କାମ ଶେଷ ହେବ ।
To reduce the traffic load on the Jayadev Vihar- Patia road, the Left Parallel Road project is under execution by PWD. The road shall connect CRPF square to Institute of Mathematics in phases. The total road of 13.6 km has been estimated at Rs.92 cr for construction. pic.twitter.com/orcbvZAu4U
— I & PR Department, Odisha (@IPR_Odisha) July 25, 2021
ଫାଇଭ୍ ଟି ସଚିବଙ୍କ ସହ ଉପସ୍ଥିତ ଥିଲେ ପୂର୍ତ୍ତ ସଚିବ କ୍ରିଷନ କୁମାର, ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସଚିବ ଭିନିଲ କ୍ରୀଷ୍ଣା, ବିଏମସି କମିଶନର ସଞ୍ଜୟ ସିଂହ ପ୍ରମୁଖ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ବରିଷ୍ଠ ପ୍ରଶାସନିକ ଅଧିକାରୀ ଭୁବନେଶ୍ୱରରେ ଚାଲିଥିବା ବିଭିନ୍ନ ପ୍ରକଳ୍ପର ସ୍ଥିତି ଅନୁଧ୍ୟାନ କରିଛନ୍ତି ।