ବ୍ରହ୍ମପୁର: ବ୍ରହ୍ମପୁରରୁ ଚାଲାଣ ହେଉଥିବା ପ୍ରାୟ ୨୦ ଲକ୍ଷ ଟଙ୍କାର ରୂପା ଇଟାକୁ ଆନ୍ଧ୍ରପ୍ରଦେଶ ପୋଲିସ ଜବତ କରିଛି । ଘଟଣାରେ ସମ୍ପୃକ୍ତି ନେଇ ପୋଲିସ ୩ ଜଣଙ୍କୁ ଗିରଫ କରିଛି ।
ଗିରଫ ଯୁବକ ମାନେ ହେଲେ ମଛଲିପଟନମର ପି ସୁରି ବାବୁ, ଇଜାଦ୍ ଗୋବିନ୍ଦ ଏବଂ ନରସିଂହମୁଲୁ । ଯେଉଁମାନେ କି ଓଡିଶା-ଆନ୍ଧ୍ରପ୍ରଦେଶ ସୀମାବର୍ତ୍ତୀ ପୁରୁଷୋତ୍ତମପୁର ନିକଟ ଚେକ୍ ପୋଷ୍ଟରୁ ଧରାପଡିଥିଲେ । ୬୧ କେଜି. ଓଜନର ରୂପା ଇଟାକୁ କାରରୁ ଜବତ କରାଯାଇଥିଲା ବୋଲି ସୁତ୍ରରୁ ପ୍ରକାଶ ।
ପୋଲିସର ସୂଚନାନୁଯାୟୀ ଏହି ତିନି ଜଣ ରୂପା ଇଟା ସମ୍ପର୍କରେ ଉପଯୁକ୍ତ ଦସ୍ତାବିଜ୍ ଦେଖାଇ ପାରିନଥିଲେ । ଯାହା ଫଳରେ ତାଙ୍କୁ ଧରା ଯାଇଥିଲା ।
ଏହି ରୂପା ଇଟାକୁ କିଏ ଚାଲାଣ କରୁଛି, ସେନେଇ ଏଯାବତ୍ ପଡିନଥିବା ସୁତ୍ରରୁ ପ୍ରକାଶ ।