ୟେସ୍ ବ୍ୟାଙ୍କରେ ୬୫୦ କୋଟି ଜମା ରଖିଛି ଓଏମ୍‌ସି: ବିଷ୍ଣୁ ସେଠୀ

ଭୁବନେଶ୍ୱର: ଜଗନ୍ନାଥଙ୍କ ଟଙ୍କା ପରେ ୟେସ୍ ବ୍ୟାଙ୍କରେ ଓଏମ୍‌ସିର ଟଙ୍କା ଜମାକୁ ନେଇ ଗୃହରେ ଅଭିଯୋଗ ଉଠିଛି । ବିରୋଧୀ ଦଳ ଉପନେତା ବିଷ୍ଣୁ ସେଠୀ ଏହି ଅଭିଯୋଗ ଉଠାଇଛନ୍ତି । ସେ କହିଛନ୍ତି ଯେ, ଓଡ଼ିଶା ମାଇନିଂ କର୍‌ପୋରେସନ୍ ୟେସ୍ ବ୍ୟାଙ୍କରେ ୬୫୦ କୋଟି ଜମା ରଖିଛି ।
ଗତ ବର୍ଷ ଏପ୍ରିଲ ମାସରେ ଏହି ଟଙ୍କା ଓଏମ୍‌ସି ପକ୍ଷରୁ ଜମା କରାଯାଇଥିବା ନେଇ ସୂଚନା ମିଳିଥିବା ସେ କହିଛନ୍ତି । ତେବେ ଭାରତୀୟ ରିଜର୍ଭ ବ୍ୟାଙ୍କ ୟେସ୍ ବ୍ୟାଙ୍କ ଉପରେ କଟକଣା ଜାରି କରିବା ପରେ ଏସବୁ ଟଙ୍କା ଫେରି ପାଇବା ନେଇ ଅନିଶ୍ଚିତତା ଲାଗି ରହିଛି ।