6G Coming: ଭାରତରେ 6G ସେବା ହେବ ଆରମ୍ଭ; ଗାଁରୁ ସହର ପର୍ଯ୍ୟନ୍ତ ମିଳିବ ସୁପରଫାଷ୍ଟ ଇଣ୍ଟରନେଟ୍

ନୂଆଦିଲ୍ଲୀ:ଭାରତ 6G କ୍ଷେତ୍ରରେ ଏକ ପ୍ରମୁଖ ସଫଳତା ହାସଲ କରିଛି। IIT ହାଇଦ୍ରାବାଦ ଭାରତର 6G ପ୍ରଯୁକ୍ତିବିଦ୍ୟା ଯାତ୍ରାର ନେତୃତ୍ୱ ନେଉଛି। ବିଭିନ୍ନ ସରକାରୀ ପ୍ରତିଷ୍ଠାନ ଏବଂ ବିଭାଗ ସହିତ ମିଳିତ ଭାବରେ, IIT ହାଇଦ୍ରାବାଦ 7 GHz ବ୍ୟାଣ୍ଡରେ 6G ପ୍ରୋଟୋଟାଇପ୍ ସଫଳତାର ସହ ପରୀକ୍ଷଣ କରିଛି।

IITର ଜଣେ ପ୍ରମୁଖ ଟେଲିକମ୍ ଗବେଷକ ପ୍ରଫେସର କିରଣ କୁଚି କହିଛନ୍ତି ଯେ 6G କେବଳ “ଦ୍ରୁତ 5G” ନୁହେଁ, ବରଂ ଏହା ସହରାଞ୍ଚଳ ଏବଂ ଗ୍ରାମାଞ୍ଚଳରୁ ସମୁଦ୍ର ଏବଂ ଆକାଶ ପର୍ଯ୍ୟନ୍ତ ସବୁଠି ସୁପର-ଫାଷ୍ଟ ସଂଯୋଗ ପ୍ରଦାନ କରିବ। ଏଥିରେ କୃତ୍ରିମ ବୁଦ୍ଧିମତ୍ତା (Artificial Intelligence )ଏକ ପ୍ରମୁଖ ଭୂମିକା ଗ୍ରହଣ କରିବ, ଏହାକୁ ସ୍ମାର୍ଟ ଡିଭାଇସ୍, AR/VR ଅଭିଜ୍ଞତା, ସ୍ୱୟଂଚାଳିତ ଯାନବାହନ ଏବଂ ବଡ଼ ସ୍ତରରେ IoT ନେଟୱାର୍କ ପାଇଁ କାମ କରିବ।

କିରଣ କୁଚି କହିଛନ୍ତି ଯେ, ୨୦୩୦ ସୁଦ୍ଧା 6G ପ୍ରଯୁକ୍ତିବିଦ୍ୟା ରୋଲଆଉଟ ହେବାର ଆଶା କରାଯାଉଛି।

6G ପ୍ରଯୁକ୍ତିବିଦ୍ୟା ଭାରତର ଉତ୍ପାଦକତା ଏବଂ ସୁରକ୍ଷା ଉଭୟକୁ ବୃଦ୍ଧି କରିବ। ଏହା ଚାଷଜମି ଠାରୁ କାରଖାନା, ସ୍କୁଲ ଠାରୁ ହସ୍ପିଟାଲ ଏବଂ ପ୍ରତିରକ୍ଷା ଠାରୁ ବିପର୍ଯ୍ୟୟ ପରିଚାଳନା ପର୍ଯ୍ୟନ୍ତ ପ୍ରତ୍ୟେକ କ୍ଷେତ୍ରରେ ଉପଯୋଗୀ ପ୍ରମାଣିତ ହେବ।

5G ପ୍ରଯୁକ୍ତିବିଦ୍ୟା ୨୦୧୦ ରୁ ୨୦୨୦ ମଧ୍ୟରେ ବିକଶିତ ହୋଇଥିଲା ଏବଂ ୨୦୨୨ ମସିହାରେ ଦେଶବ୍ୟାପୀ ପ୍ରୟୋଗ ଆରମ୍ଭ ହୋଇଥିଲା। 6G ପ୍ରୋଟୋଟାଇପ୍ ୨୦୨୧ ମସିହାରେ ବିକାଶ ଆରମ୍ଭ ହୋଇଥିଲା ଏବଂ ୨୦୩୦ ସୁଦ୍ଧା ଏହା କାର୍ଯ୍ୟକାରୀ ହେବାର ଆଶା କରାଯାଉଛି।

ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ହାଇଦ୍ରାବାଦ 6G ଟେକ୍ନୋଲୋଜି ପାଇଁ କମ୍ ପାୱାର ସିଷ୍ଟମ୍ ଚିପ୍ ଡିଜାଇନ୍ କରିଛି । ବର୍ତ୍ତମାନ, IIT ହାଇଦ୍ରାବାଦ 6GAI ଉଚ୍ଚ ପ୍ରଦର୍ଶନ ଚିପ୍ ବିକଶିତ କରିବାକୁ ଚେଷ୍ଟା କରୁଛି।