Earthquake Jolts Russia’s Kamchatka: ଶକ୍ତିଶାଳୀ ଭୂମିକମ୍ପରେ ଥରିଲା ରୁଷିଆ, ୨ ମାସରେ ୨ୟ ଭୟଙ୍କର, ସୁନାମୀ ନେଇ ବଢୁଛି ଆଶଙ୍କା…

ନୂଆଦିଲ୍ଲୀ: ରୁଷିଆରେ ଆଜି ପୁଣି ଏକ ଭୟଙ୍କର ଭୂମିକମ୍ପ ହୋଇଛି । ରୁଷର କାମଚଟକାରେ ପ୍ରବଳ ଭୂମିକମ୍ପ ଅନୁଭୂତ ହୋଇଥିବା ବେଳଷ ଏହାର ତୀବ୍ରତା ରିକ୍ଟର ସ୍କେଲରେ ୭.୪ ମାପ କରାଯାଇଛି। ରୁଷର ପୂର୍ବରେ ଥିବା ସମାନ ଅଞ୍ଚଳ କାମଚଟକା ଗତ ଜୁଲାଇ ମାସରେ ଭୂମିକମ୍ପରେ ଥରିଉଠିଥିଲା । ଯାହା ରୁଷ-ଜାପାନରେ ସୁନାମି ଆଣିଥିଲା। ବୈଜ୍ଞାନିକମାନେ ସତର୍କ କରାଇ ଦେଇଛନ୍ତି ଯେ ଭୂମିକମ୍ପର କେନ୍ଦ୍ରସ୍ଥଳ ଚାରିପାଖରେ ୩୦୦ କିଲୋମିଟର ବ୍ୟାସାର୍ଦ୍ଧ ମଧ୍ୟରେ ସମୁଦ୍ରରେ ବିପଦପୂର୍ଣ୍ଣ ଏବଂ ବିନାଶକାରୀ ଢେଉ ଉଠିବାର ସମ୍ଭାବନା ଅଛି, ଯାହା ପୁନଶ୍ଚ ସୁନାମି ଆଣିପାରେ।

ଜର୍ମାନ ରିସର୍ଚ୍ଚ ସେଣ୍ଟର ଫର ଜିଓସାଇନ୍ସ (GFZ) ଅନୁଯାୟୀ, ରୁଷର କାମଚଟକାରେ ଆଜିର ଭୂମିକମ୍ପର କେନ୍ଦ୍ରସ୍ଥଳ ପୃଥିବୀ ତଳେ ୧୦ କିଲୋମିଟର (୬.୨ ମାଇଲ) ଗଭୀରତାରେ ଠାବ କରାଯାଇଥିଲା ଏବଂ ଏହାର ତୀବ୍ରତା ରିକ୍ଟର ସ୍କେଲରେ ୭.୧ ଥିଲା। ଅନ୍ୟପକ୍ଷରେ, ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ବେକ୍ଷଣ (USGS) ଦାବି କରିଛି ଯେ ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୭.୪ ଥିଲା ଏବଂ ଭୂମିକମ୍ପର କେନ୍ଦ୍ରସ୍ଥଳ ଭୂମି ତଳେ ୩୯.୪ କିଲୋମିଟର (୨୪.୫ ମାଇଲ) ଗଭୀରତାରେ ଥିଲା। ବର୍ତ୍ତମାନ ବାସିନ୍ଦାଙ୍କୁ ସୁନାମିର ବିପଦ ବିଷୟରେ ସତର୍କ କରାଯାଇଛି।

ତେବେ କହିରଖୁଛୁ, ଜୁଲାଇ ୩୦ ତାରିଖରେ କାମଚଟକା ୮.୮ ତୀବ୍ରତାର ଭୂମିକମ୍ପରେ ଥରି ଉଠିଥିଲା । ଯାହା ୧୯୫୨ ପରଠାରୁ ସବୁଠାରୁ ଶକ୍ତିଶାଳୀ ଭୂମିକମ୍ପ । ଏହି ଭୂମିକମ୍ପ ଯୋଗୁଁ ପ୍ରଶାନ୍ତ ମହାସାଗରରେ ସୁନାମି ଆସିଥିଲା। ସମୁଦ୍ରରେ ୪ ମିଟର ଉଚ୍ଚ ଢେଉ ଉଠିଥିଲା। ସୁନାମି ରୁଷ ଏବଂ ଜାପାନରେ ବହୁତ କ୍ଷୟକ୍ଷତି ଘଟାଇଥିଲା। ସେହି ସମୟରେ ସୁନାମିର ସତର୍କତା ଯୋଗୁଁ ଆମେରିକା ସମେତ ପ୍ରାୟ ୧୦ ଟି ଦେଶରେ ହାଇ ଆଲର୍ଟ ଜାରି କରାଯାଇଥିଲା। ଝଡ଼ ପବନ ଏବଂ ପ୍ରବଳ ବର୍ଷା ଏହି ଦେଶଗୁଡ଼ିକରେ କ୍ଷତି କରିଥିଲା।

ଆମେରିକାର ଭୂତତ୍ତ୍ୱ ସର୍ବେକ୍ଷଣ (USGS) ଜାଣିପାରିଛି ଯେ ଭୂମିକମ୍ପର କେନ୍ଦ୍ରଭୂମି ଭୂମିରୁ ୧୯.୩ କିଲୋମିଟର ତଳେ ଥିଲା, ଯେଉଁଠାରେ ଗଭୀରତା ବହୁତ ଅଗଭୀର ଥିଲା। ଭୂମିକମ୍ପ ପରେ, ସମୁଦ୍ରରେ ଲହଡ଼ି ଋଷ ଏବଂ ଜାପାନରେ ଅନେକ କୋଠାକୁ କ୍ଷତି ପହଞ୍ଚାଇଥିଲା ଏବଂ ଲୋକଙ୍କ ଜୀବନ ମଧ୍ୟ ନେଇଥିଲା। ଋଷ, ଜାପାନ, ଆମେରିକା, ଚୀନ୍, କାନାଡା, ଇକ୍ୱେଡର, ପେରୁ, ମେକ୍ସିକୋ, ନ୍ୟୁଜିଲ୍ୟାଣ୍ଡ, ପ୍ରଶାନ୍ତ ମହାସାଗର ଦ୍ୱୀପପୁଞ୍ଜ, ଚୀନ୍, ଫିଲିପାଇନ୍ସ, ତାଇୱାନ, ଇଣ୍ଡୋନେସିଆର ଉପକୂଳବର୍ତ୍ତୀ ଅଞ୍ଚଳରେ ମଧ୍ୟ ସୁନାମିର ଉଚ୍ଚ ସତର୍କତା ଜାରି କରାଯାଇଥିଲା।