କୋଲକାତା: ପଶ୍ଚିମବଙ୍ଗରେ ଭୟଙ୍କର ଗ୍ୟାସ ସିଲିଣ୍ଡର ବିସ୍ଫୋରଣ ଘଟିଛି।ବିସ୍ଫୋରଣରେ ଗୋଟିଏ ପରିବାରର ୭ଜଣଙ୍କ ମୃତ୍ୟୁ ହୋଇଛି। ଦକ୍ଷିଣ ୨୪ ପ୍ରଗଣା ପଥର ପ୍ରତିମା ଗାଁରେ ଏହି ଗ୍ୟାସ ସିଲିଣ୍ଡର ବିସ୍ଫୋରଣ ହୋଇଛି। ମୃତକଙ୍କ ମଧ୍ୟରେ ୪ଜଣ ଶିଶୁ ଓ ୩ଜଣ ମହିଳା ଥିବା ସୂଚନା ମିଳିଛି। ଘଟଣାସ୍ଥଳରେ ପହଞ୍ଚି ପୋଲିସର ତଦନ୍ତ ଆରମ୍ଭ ହୋଇଛି।
ଦକ୍ଷିଣ ୨୪ ପରଗନା ଜିଲ୍ଲାରେ ଘରେ ଦୁଇଟି ଗ୍ୟାସ ସିଲିଣ୍ଡର ଥିଲା ଏବଂ ଭିତରେ ଗଚ୍ଛିତ ଫୋଟକା ଓ ବାଣ ଜଳିଯିବା ପରେ ନିଆଁ ବ୍ୟାପିଯାଇଥିଲା ବୋଲି ପୋଲିସ ସନ୍ଦେହ କରୁଛି। ସୂଚନା ଅନୁସାରେ ପଥର ପ୍ରତିମା ଗାଁରେ ସୋମବାର ରାତିରେ ଏକ ଘରେ ଗ୍ୟାସ ସିଲିଣ୍ଡର ବିସ୍ଫୋରଣରେ ଚାରି ଶିଶୁ ଏବଂ ଦୁଇ ମହିଳାଙ୍କ ସମେତ ସାତ ଜଣଙ୍କର ମୃତ୍ୟୁ ହୋଇଛି। ସମସ୍ତ ମୃତଦେହ ଉଦ୍ଧାର କରାଯାଇଛି।
ଏଥିରେ ଆହତ ମହିଳାଙ୍କୁ ଘରୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ବୋଲି ସୁନ୍ଦରବନ ପୋଲିସ ଜିଲ୍ଲା ଏସପି କୋଟେଶ୍ୱର ରାଓ କହିଛନ୍ତି।
ପୋଲିସ ସନ୍ଦେହ କରୁଛି ଯେ ଘରେ ଦୁଇଟି ଗ୍ୟାସ ସିଲିଣ୍ଡର ଥିଲା ଏବଂ ଭିତରେ ଗଚ୍ଛିତ ବାଣ ଜଳିଯିବା ପରେ ନିଆଁ ବ୍ୟାପିଥିଲା। ଘଟଣାର ତଦନ୍ତ ଜାରି ରହିଛି।
Comments are closed.