ଲଣ୍ଡନ: କୁହାଯାଏ ଯେ, ବୟସ କେବଳ ଏକ ସଂଖ୍ୟା । ଯେତେବେଳେ ଲୋକମାନେ ହୃଦୟରେ ଯୁବକ ହୁଅନ୍ତି, ଯେତେ ବୟସ ହେଉନା କାହିଁକି, ସେମାନେ ବୃଦ୍ଧ ହୁଅନ୍ତି ନାହିଁ । ଆପଣ ନିଶ୍ଚିତ ଭାବରେ ଏପରି ଅନେକ ବୃଦ୍ଧଙ୍କୁ ଦେଖିଥିବେ, ଯେଉଁମାନେ ସେମାନଙ୍କର ବୟସକୁ ନିୟନ୍ତ୍ରଣରେ ରଖନ୍ତି । ତଥାପି, ଲୋକମାନେ ତାଙ୍କୁ ଟ୍ରୋଲ କରିବା ଆରମ୍ଭ କରନ୍ତି । ଏବେ ଲଣ୍ଡନର ଜଣେ ୯୩ ବର୍ଷୀୟା ବୃଦ୍ଧା ଡ଼େଟ୍ରେ ଯାଇ ଚର୍ଚ୍ଚାକୁ ଆସିଛନ୍ତି । ଏବଂ ତାଙ୍କର ଅନୂଭୁତିକୁ ସୋସିଆଲ ମିଡିଆରେ ସେୟାର କରିଛନ୍ତି ।
ଲଣ୍ଡନରେ ରୁହନ୍ତି ଡ଼୍ରୋନିୟକ ନାମକ ୯୩ ବର୍ଷୀୟା ବୃଦ୍ଧା । ସେ ସୋସିଆଲ ମିଡିଆରେ ବେଶ୍ ପ୍ରସିଦ୍ଧ । ଲୋକମାନେ ତାଙ୍କୁ ଜେଜେମା ଡ୍ରୋନିୟକ୍ ନାମରେ ଜାଣନ୍ତି । ଇନଷ୍ଟାଗ୍ରାମରେ ତାଙ୍କର ୧୦ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି, ଯେଉଁମାନେ ତାଙ୍କୁ ଖୁବ୍ ପସନ୍ଦ କରନ୍ତି । ଏହି ବୟସରେ ସେ ଡ଼େଟ୍ରେ ଯାଉଥିବା ନେଇ କିଛି ଦିନ ପୂର୍ବେ ସୋସିଆଲ ମିଡ଼ିଆରେ କହିଥିଲେ । ଡେଟରେ ଯିବାର ଏକ ଭିଡିଓ ମଧ୍ୟ ପୋଷ୍ଟ କରିଥିଲେ ,ଯେଉଁଥିରେ ସେ ପୋଷାକ ପିନ୍ଧିଥିବାର ନଜର ଆସିଛନ୍ତି । ସେ କହିଥିଲେ ଯେ, ଏଥିଲାଗି ସେ ବହୁତ ନର୍ଭସ ଅଛନ୍ତି । ତାଙ୍କ ସାଥୀ ବହୁତ ସୁନ୍ଦର, ଯିଏ ତାଙ୍କୁ ନେବାକୁ ଆସୁଛନ୍ତି । ଯଦି ତାଙ୍କ ସାଥୀ ତାଙ୍କୁ ପସନ୍ଦ କରିବେ ନାହିଁ, ତେବେ ସେ ତାଙ୍କୁ ଛାଡି ଯାଇପାରିବେ ବୋଲି କହିଥିଲେ । ହେଲେ କିଛି ଦିନ ପରେ ବୃଦ୍ଧା ଜଣକ ଆଉ ଏକ ଭିଡିଓ ପୋଷ୍ଟ କରି ଡ଼େଟିଂର ଅନୁଭୂତି ସେୟାର କରିଥିଲେ । ଡ଼୍ରୋନିୟକ କହିଥିଲେ ଯେ, ସେ ନିରାଶ ହୋଇଥିଲେ । କାରଣ ସେ ଯେଉଁ ବ୍ୟକ୍ତିଙ୍କ ସହ ଡେଟରେ ଯାଇଥିଲେ ସେ ତାଙ୍କୁ ବହୁତ ଅସଦାଚରଣ କରିଥିଲେ ।
Comments are closed.