କାଶୀ ବିଶ୍ୱନାଥ ମନ୍ଦିରରେ କଙ୍ଗନା !

ମୁମ୍ବାଇ: ସବୁ ଦିନେ ନିଜ ବୟାନ ବାଜିକୁ ନେଇ ଚର୍ଚ୍ଚାରେ ରହୁଥିବା ବଲିଉଡର କୁଇନ୍ କଙ୍ଗନା ଏବେ ପୁଣି ଥରେ ଚର୍ଚ୍ଚାରେ । ତେବେ କୌଣସି ବୟାନ ବାଜିକୁ ନେଇ ନୁହେଁ ସୋସିଆଲ ମିଡିଆରେ କିଛି ଫଟୋକୁ ସେୟାର କରି କଙ୍ଗନା ପୁଣି ଥରେ ଏବେ ଚର୍ଚ୍ଚାକୁ ଆସିଛନ୍ତି ।

କାଶୀ ବିଶ୍ୱନାଥ ମନ୍ଦିରରେ କୁଇନ୍ କଙ୍ଗନା । ଭକ୍ତି ମୁଦ୍ରାରେ ବସିଛନ୍ତି ମଣିକର୍ଣ୍ଣିକା । ତାଙ୍କ ସହ ଅଛନ୍ତି ଅଭିନେତ୍ରୀ ଜୁହି ଚାୱାଲା । ଦୁହେଁ ମହାଦେବଙ୍କ ଭକ୍ତିରେ ଲୀନ ହୋଇଯାଇଛନ୍ତି । ଏହି ଫଟୋରେ କଙ୍ଗନା ଏବେ ସୋସିଆଲ ମିଡିଆରେ ସେୟାର କରିଛନ୍ତି । ଫଟୋ ସେୟାର କରି କଙ୍ଗନା କହିଛନ୍ତି, ଏହି ଫଟୋ କିଛି ଦିନ ପୂର୍ବର, ଯେତେବେଳେ ସେ କାଶୀ ବିଶ୍ୱନାଥ ମନ୍ଦିର ଦର୍ଶନ ପାଇଁ ଯାଇଥିଲେ ।

This picture is from my recent visit to Kashi Vishvanath. Har Har Mahadev ? pic.twitter.com/7L8ul8Dsic

— Kangana Ranaut (@KanganaTeam) September 26, 2020

କଙ୍ଗନା କ୍ୟାପସନ୍‌ରେ ଲେଖିଛନ୍ତି, ଫଟୋ କାଶୀ ବିଶ୍ୱନାଥ ମନ୍ଦିର ଦର୍ଶନ ସମୟର । ଏହି ଫଟୋ ସୋସିଆଲ ମିଡ଼ିଆରେ ବହୁତ ଭାଇରାଲ ହୋଇଛି । କଙ୍ଗନାଙ୍କ ପ୍ରଶଂସକ ତାଙ୍କର ଖୁବ ପ୍ରଶଂସା ମଧ୍ୟ କରୁଛନ୍ତି । ଫଟୋ ମାଧ୍ୟମରେ ସେ ନିଜ ପ୍ରଶଂସକଙ୍କୁ ସନ୍ଦେଶ ଦେଇଛନ୍ତି ଯେ କିଭଳି ଏହିପରି କଷ୍ଟ ସମୟରେ ମଧ୍ୟ ନିଜକୁ ଶାନ୍ତ ରଖନ୍ତି ।

କଙ୍ଗନା ରଣାୱତ ଗତ କିଛି ଦିନ ହେଲା ନିଜ ବୟାନ ବାଜିକୁ ନେଇ ଚର୍ଚ୍ଚାରେ ରହି ଆସିଛନ୍ତି । ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ବଲିଉଡକୁ ନେଇ ନାନା ମନ୍ତବ୍ୟ ଦେବା ପରେ ଅଭିନେତ୍ରୀ ମହାରାଷ୍ଟ୍ର ସରକାର ଓ ଶିବସେନା ସହ ମଧ୍ୟ ପଙ୍ଗା ନେଇଛନ୍ତି । ଘଟଣା ପରେ ବିଏମସି ଅଭିନେତ୍ରୀଙ୍କ ମୁମ୍ବାଇ ସ୍ଥିତ କାର୍ଯ୍ୟାଳୟ ଧ୍ୱସ୍ତ କରିଥିଲା । କିନ୍ତୁ ଏତେ ଝଡଝଞ୍ଜା ସତ୍ତ୍ୱେ କଙ୍ଗନା ହସୁଥିବାଓ ଖୁସିଥିବା ଫଟୋ ସୋସିଆଲ ମିଡ଼ିଆରେ ସେୟାର କରିଥାନ୍ତି ।