ଦୁବାଇ: ଆଇପିଏଲରେ ଆଜି ରହିଛି ଏକ ହାଇଭୋଲଟେଜ ଲଢ଼େଇ । ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ ଓ ରାଜସ୍ଥାନ ରୟାଲ୍ସ । ଉଭୟ ଦଳ ଚଳିତ ଆଇପିଏଲରେ ଜବରଦସ୍ତ ଫର୍ମରେ ଥିବାରୁ ଆଜିର ଲଢ଼େଇ ଜୋରଦାର ହେବା ଆଶା କରାଯାଉଛି । ଦିଲ୍ଲୀଠାରୁ ପୂର୍ବ ମ୍ୟାଚ ପରାଜୟର ବଦଲା ନେବା ଲକ୍ଷ୍ୟରେ ମୈଦାନକୁ ଓହ୍ଲାଇବ ରାଜସ୍ଥାନ । ଗତ ସପ୍ତାହରେ ଦିଲ୍ଲୀ କ୍ୟାପିଟାଲ୍ସ ୪୬ ରନରେ ରାଜସ୍ଥାନ ରୟାଲ୍ସକୁ ପରାସ୍ତ କରିଥିଲା ।
ରାଜସ୍ଥାନ ଆଗରେ ବ୍ୟାଟିଂ ଚ୍ୟାଲେଞ୍ଜ
ରାଜସ୍ଥାନର ଟପ୍ ଅର୍ଡର ଟିକେ ଧିମେଇ ଯାଇଛି । ପ୍ରଥମ ଦୁଇଟି ମ୍ୟାଚରେ ସଞ୍ଜୁ ସାମସନ୍ ଓ କ୍ୟାପଟେନ୍ ସ୍ମିଥ ଭଲ ଖେଳିଥିଲେ । ପରବର୍ତ୍ତୀ ମ୍ୟାଚରେ ସେମାନଙ୍କ ଜଲଓ୍ୱା ଦେଖିବାକୁ ମିଳିନି । ବଟଲର ମୁମ୍ବାଇ ବିପକ୍ଷରେ ୭୦ ରନ୍ ପିଟିଥିଲେ । କିନ୍ତୁ ଗତ ଦୁଇଟି ମ୍ୟାଚରେ ବେଶୀ ଫାଇଦା ଉଠାଇ ନାହାନ୍ତି । ରାହୁଲ ତେଓ୍ୱାତିଆଙ୍କ ବ୍ୟାଟ ନଚାଲିଲେ ବଡ଼ ସ୍କୋର କରିବାରେ ଝୁଣ୍ଟିପାରେ ରାଜସ୍ଥାନ ।
ଜବରଦସ୍ତ ଟିମ୍ ଦିଲ୍ଲୀ କ୍ୟାପିଟାଲ୍ସ
ଚଳିତ ଆଇପିଏଲ୍ ସିନିଜର ଦିଲ୍ଲୀ କ୍ୟାପିଟାଲ୍ସ ଏଯାଏଁ ଜବରଦସ୍ତ ପ୍ରଦର୍ଶନ କରିଛି । ଗତ ମ୍ୟାଚରେ ମୁମ୍ୱାଇଠାରୁ ଦଳ ପରାସ୍ତ ହୋଇଥିଲା । ବିଗତ ମ୍ୟାଚର ତ୍ରୁଟିକୁ ସୁଧାରି ପଡ଼ିଆକୁ ଓହ୍ଲାଇବ ଦିଲ୍ଲୀ । ଶକ୍ତିଶାଳୀ ବ୍ୟାଟିଂ ଲାଇନ ଅପ୍ । ପୃଥ୍ୱୀ ସ, ଶ୍ରେୟସ ଆୟାର ଜବରଦସ୍ତ ଫର୍ମ ଅଛନ୍ତି । ଫର୍ମକୁ ଫେରିଛନ୍ତି ଶିଖର ଧଓ୍ୱନ । କେଗିସୋ ରାବଡାଙ୍କ ଭଳି ବୋଲର ଅଛନ୍ତି । ରାବଡା ୧୭ଟି ଓ୍ୱିକେଟ ଅକ୍ତିଆର କଲେଣି ।
Comments are closed.