ଭୁବନେଶ୍ୱର: ଅକ୍ଟୋବର ମାସରେ ଲଘୁଚାପ ଲମ୍ବା ଲାଇନ୍ । ଗୋଟିଏ ଗଲେ ଆଉ ଗୋଟିଏ ଆସୁଛି । ଏବେ ନୂଆ ଲଘୁଚାପ ବଳୟ ସୃଷ୍ଟି ନେଇ ପୂର୍ବନୁମାନ କରିଛି ପାଣିପାଗ ବିଭାଗ । ଆସନ୍ତା ୧୯ ତାରିଖ ବେଳକୁ ବଙ୍ଗୋପସାଗରରେ ଦାନା ବାନ୍ଧିପାରେ ।
#୧୯ଅକ୍ଟୋବର ବେଳକୁ #କେନ୍ଦ୍ରୀୟ #ବଙ୍ଗୋପସାଗର ଅଂଚଳରେ #ଲଘୁଚାପ ସମ୍ଭାବନା | pic.twitter.com/9aSlaDd92r
— Meteorological Centre, Bhubaneswar (@mcbbsr) October 15, 2020
ଉତ୍ତର ଆଣ୍ଡାମାନ ସାଗର ଅଞ୍ଚଳରେ ସୃଷ୍ଟି ହୋଇପାରେ ଲଘୁଚାପ କ୍ଷେତ୍ର । ଏହା ଘନୀଭୂତ ହୋଇ କଣ ରୂପ ନେବ ତାହା ଏଯାଏ ସ୍ପଷ୍ଟ ହୋଇନି । ତେବେ ଆସନ୍ତା ୯୬ରୁ ୧୨୦ ଘଣ୍ଟା ଭିତରେ ସମ୍ଭାବ୍ୟ ବାତ୍ୟାର ରୂପ ନେବା ସମ୍ଭାବନା କ୍ଷୀଣ ବୋଲି କହିଛି ପାଣିପାଗ ବିଭାଗ । ଦିନେ ଦୁଇ ଦିନ ଭିତରେ ସମ୍ଭାବ୍ୟ ମଡେଲ ସମ୍ପର୍କରେ ବିସ୍ତୃତ ସୂଚନା ମିଳିପାରେ ।
ପୂର୍ବରୁ ଅକ୍ଟୋବର ପ୍ରଥମ ସପ୍ତାହରେ ଆଣ୍ଡାମାନ ସାଗରରେ ସୃଷ୍ଟି ହୋଇଥିଲା ଲଘୁଚାପ । ଏହାପରେ ଗତ ୯ ତାରିଖରେ ଆଣ୍ଡାମାନ ସାଗରରେ ଆଉ ଏକ ଲଘୁଚାପ ବଳୟ ଦାନା ବାନ୍ଧିଥିଲା । ତାର ପ୍ରଭାବରେ ଆନ୍ଧ୍ରପ୍ରଦେଶ ଓ ତେଲେଙ୍ଗାନାରେ ପ୍ରବଳ ବର୍ଷିଛି । ଜଳପ୍ରଳୟ ରଚିଛି । ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ହୋଇଛି ।