ମହିଳା ଅପରାଧ ବୃଦ୍ଧି ମାମଲାରେ ଇମ୍ରାନ ସରକାରଙ୍କ କଠୋର ଆଭିମୁଖ୍ୟ ଗ୍ରହଣ; ବଳାତ୍କାର ଦୋଷୀଙ୍କୁ କରାଯିବ ନପୁଂସକ
ଇସଲାମାବାଦ: ମଙ୍ଗଳବାର ଦିନ ପାକିସ୍ତାନ ଗଣମାଧ୍ୟମରେ ପ୍ରକାଶିତ ଏକ ବିଜ୍ଞପ୍ତିରେ ଦାବି କରାଯାଇଛି ଯେ ପ୍ରଧାନମନ୍ତ୍ରୀ ଇମ୍ରାନ ଖାନ ଏକ ନିୟମକୁ ଅନୁମୋଦନ ଦେଇଛନ୍ତି ଯେଉଁଥିରେ ରାସାୟନିକ ଶକ୍ତି ବଳରେ ବଳାତ୍କାର ଦୋଷୀଙ୍କୁ ନପୁଂସକ କରିବା ଏବଂ ଯୌନ ଉତ୍ପୀଡ଼ନ ମାମଲାରେ ଶୀଘ୍ର ଶୁଣାଣିକୁ ଅଧିକ ଗୁରୁତ୍ବ ଦିଆଯାଇଛି।
ଖବର ଅନୁଯାୟୀ, ଏହି ନିଷ୍ପତ୍ତି ଫେଡେରାଲ କ୍ୟାବିନେଟର ବୈଠକରେ ନିଆଯାଇଛି ଯେଉଁଥିରେ ଆଇନ ମନ୍ତ୍ରଣାଳୟ ବଳାତ୍କାର ବିରୋଧୀ ନିୟମର ଡ୍ରାଫ୍ଟ ଉପସ୍ଥାପନ କରିଥିଲା। ତେବେ ଏ ସମ୍ପର୍କରେ କୌଣସି ସରକାରୀ ଘୋଷଣା କରାଯାଇ ନାହିଁ।
ସୂଚନାଯୋଗ୍ୟ ଏହି ଡ୍ରାଫ୍ଟରେ ପୋଲିସ୍ ବ୍ୟବସ୍ଥାରେ ମହିଳାଙ୍କ ଭୂମିକା ବୃଦ୍ଧି, ବଳାତ୍କାର ମାମଲାରେ ଶୀଘ୍ର ଶୁଣାଣି ଏବଂ ସାକ୍ଷୀଙ୍କ ସୁରକ୍ଷା ଅନ୍ତର୍ଭୁକ୍ତ।
ଖବର ଅନୁଯାୟୀ ପ୍ରଧାନମନ୍ତ୍ରୀ ଖାନ କହିଛନ୍ତି ଯେ ଏହା ଏକ ଗୁରୁତର ବିଷୟ ଏବଂ ଏହି ଘଟଣାରେ ବିଳମ୍ବକୁ ବରଦାସ୍ତ କରାଯିବ ନାହିଁ। ସେ କହିଛନ୍ତି ଯେ ଆମ ନାଗରିକଙ୍କ ପାଇଁ ଆମକୁ ଏକ ନିରାପଦ ପରିବେଶ ସୃଷ୍ଟି କରିବାକୁ ପଡିବ। ପ୍ରଧାନମନ୍ତ୍ରୀ କହିଛନ୍ତି ଯେ ବଳାତ୍କାର ପୀଡିତାମାନେ ବିନା ଭୟରେ ଅଭିଯୋଗ ପଞ୍ଜିକରଣ କରିପାରିବେ ଏବଂ ସରକାର ସେମାନଙ୍କ ପରିଚୟ ଲୁଚାଇ ରଖିବେ। ଶାସକ ପାକିସ୍ତାନ ତେହେରିକ-ଇ-ଇନସାଫର ସାଂସଦ ଫୈସଲ ଜାଭେଦ ଖାନ ଟ୍ୱିଟରରେ ଲେଖିଛନ୍ତି ଯେ ଖୁବ ଶୀଘ୍ର ସଂସଦରେ ଏହି ଆଇନ ପ୍ରଣୟନ କରାଯିବ।
Comments are closed.