କଟକ: ଜଗତପୁର ଶିଳ୍ପାଞ୍ଚଳରେ ନକଲି ସୋୟା ବଡି ଫ୍ୟାକ୍ଟ୍ରିରେ ରେଡ୍ । ଜଗତପୁର ଥାନା ଓ ମାଲଗୋଦାମ ଥାନା ପକ୍ଷରୁ ମିଳିତ ଭାବେ ରେଡ୍ କରାଯାଇଛି । ଜଗତପୁରରେ ମେହେକ ନାମକ କମ୍ପାନୀ ଦୀର୍ଘ ଦିନ ଧରି ନକଲି ସୋୟାବିନ୍ ତିଆରି କରୁଥିବା ପୋଲିସ ଖବର ପାଇଥିଲା । ଏହା ପରେ ଫ୍ୟାକ୍ଟ୍ରିରେ ଚଢାଉ କରାଯାଇଥିଲା ।
ଚଢାଉ ବେଳେ ଫ୍ୟାକ୍ଟ୍ରିରୁ ପୋକରା ଚାଉଳ ଗୁଣ୍ଡ ଓ ରାସାୟନିକ ସାର ଜବତ କରାଯାଇଛି । ବିପୁଳ ପରିମାଣର ନକଲି ସାମଗ୍ରୀ ଜବତ ହୋଇଛି । ଏହି ଘଟଣାରେ ପୋଲିସ ୨ ଜଣଙ୍କୁ ଅଟକ ରଖିଛି । କାକା ଓ ମେହେକ ବ୍ରାଣ୍ଡର ସୋୟା ବଡ଼ି ନକିଣିବା ପାଇଁ କମିଶନରେଟ୍ ପୋଲିସ ପକ୍ଷରୁ ଅପିଲ କରାଯାଇଛି ।
ପୂର୍ବରୁ ଜଗତପୁର ଶିଳ୍ପାଞ୍ଚଳରୁ ନକଲି ମସଲା, ଘିଅ ଓ ଟବାକୋ ଜବତ କରାଯାଇଥିଲା । କୋଟି କୋଟି ଟଙ୍କାର ନକଲି ସାମଗ୍ରୀ ଜବତ କରିଥିଲା ପୋଲିସ ।
Comments are closed.