ନୂଆଦିଲ୍ଲୀ: ଦ୍ୱିମାସିକ ମୁଦ୍ରାନୀତି ସମୀକ୍ଷା କରି ସୁଧହାର ଅପରିବର୍ତ୍ତିତ ରଖିଛି ଭାରତୀୟ ରିଜର୍ଭ ବ୍ୟାଙ୍କ । ରେପୋ ରେଟ୍ ୪ ପ୍ରତିଶତ ଓ ରିଭର୍ସ ରେପୋ ରେଟ୍ ୩.୩୫ ପ୍ରତିଶତରେ ଅପରିବର୍ତ୍ତିତ ରହିଛି । ଆଜି ରିଜର୍ଭ ବ୍ୟାଙ୍କ ୨୦୨୦-୨୧ ଆର୍ଥିକ ବର୍ଷର ଶେଷ ଦ୍ୱିମାସିକ ମୁଦ୍ରାନୀତି ଘୋଷଣା କରିଛି । ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଙ୍କ ଅଧ୍ୟକ୍ଷତାରେ ୬ ଜଣିଆ ସଦସ୍ୟ ବିଶିଷ୍ଟ ମୁଦ୍ରାନୀତି କମିଟି ସୁଧହାରରେ କୌଣସି ପରିବର୍ତ୍ତନ କରି ନାହାନ୍ତି । ଦେଶର ଜିଡିପି ୧୦ପ୍ରତିଶତ ରହିବା ନେଇ ଆକଳନ କରିଛି ଭାରତୀୟ ରିଜର୍ଭ ବ୍ୟାଙ୍କ ।
ଗତ ୩ଟି ମୁଦ୍ରାନୀତି ବୈଠକରେ ସୁଧହାର ଅପରିବର୍ତ୍ତିତ ରହିବା ସହ ରେପୋରେଟ୍ ୪ ପ୍ରତିଶତ ଓ ରିଭର୍ସ ରେପୋରେଟ୍ ୩.୩୫ ପ୍ରତିଶତ ରହିଥିଲା । କରୋନା କାଳରେ ଗତବର୍ଷ ମେ’ ମାସରେ ରିଜର୍ଭ ବ୍ୟାଙ୍କ ଶେଷ ଥର ପାଇଁ ମୁଦ୍ରାନୀତିରେ ପରିବର୍ତ୍ତନ କରିଥିଲା । ଅର୍ଥନୀତି ଦୋହଲି ଯାଇଥିବା ବେଳେ ଏହାକୁ ଟ୍ରାକକୁ ଆଣିବା ପାଇଁ ସରକାର ପ୍ରୟାସ ଜାରି ରଖିଛନ୍ତି । ତେବେ ବର୍ଦ୍ଧିତ ମୁଦ୍ରାସ୍ଫୀତି ଚିନ୍ତାଜନକ ରହିଛି । ଏଭଳି ସ୍ଥିତିରେ ଆରବିଆଇ ମୁଦ୍ରାନୀତି ସମୀକ୍ଷା କରି କଣ ନିଷ୍ପତ୍ତି ନେବା ତାଉପରେ ସମସ୍ତଙ୍କର ନଜର ରହିଥିଲା ।
Comments are closed.