ପୁଣି ଥରେ ସୋସିଆଲ୍ ମିଡିଆ ପ୍ଲାଟ୍ଫର୍ମକୁ ଫେରୁଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ
ନୂଆଦିଲ୍ଲୀ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ପୂର୍ବତନ ପ୍ରଥମ ଲେଡି ମେଲାନିଆ ଟ୍ରମ୍ପ ସୋମବାର ‘ଆମେରିକାର ୪୫ ତମ ରାଷ୍ଟ୍ରପତିଙ୍କ ଅଫିସିଆଲ୍ ୱେବସାଇଟ୍’ ଉନ୍ମୋଚନ କରିବାକୁ ଘୋଷଣା କରିଛନ୍ତି।
ଟୁଇଟର, ଫେସବୁକ ନିଷେଧ ପରେ ଖୁବ୍ ଶୀଘ୍ର ଡୋନାଲ୍ଡ ଟ୍ରମ୍ପ ନିଜର ସୋସିଆଲ ମିଡିଆ ସାଇଟ୍ ସହିତ ଆସୁଛନ୍ତି।
ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆସନ୍ତା ମାସରେ ନିଜର ସୋସିଆଲ ମିଡିଆ ପ୍ଲାଟଫର୍ମ ଲଞ୍ଚ କରିବାକୁ ଯାଉଛନ୍ତି। ଟ୍ରମ୍ପଙ୍କ ଘନିଷ୍ଠ ସହଯୋଗୀ କହିଛନ୍ତି ଯେ ସୋସିଆଲ ମିଡିଆ ପ୍ଲାଟଫର୍ମ ତିଆରି କରାଯାଉଛି ଯାହା ଦ୍ବାରା ସେ ଆମେରିକାର ଲୋକଙ୍କ ସହ ତାଙ୍କ ବାର୍ତ୍ତା ବାଣ୍ଟି ପାରିବେ।
କ୍ୟାପିଟୋଲ ହିଲ ଦଙ୍ଗାକାରୀଙ୍କୁ ଉତ୍ତେଜିତ କରୁଥିବା ଦେଖିବାକୁ ମିଳିବା ପରେ ଟ୍ରମ୍ପଙ୍କୁ ଟ୍ୱିଟର, ଫେସବୁକ, ୟୁଟ୍ୟୁବ ଏବଂ ସୋସିଆଲ ମିଡିଆ ସାଇଟ ଦ୍ୱାରା ଅନିର୍ଦ୍ଦିଷ୍ଟ କାଳ ପାଇଁ ବାରଣ କରାଯାଇଥିଲା।
ମାର୍ଚ୍ଚ ପୂର୍ବରୁ ଟ୍ରମ୍ପଙ୍କ ପୂର୍ବତନ ପରାମର୍ଶଦାତା ଜେସନ ମିଲର ନିଶ୍ଚିତ କରିଥିଲେ ଯେ ଟ୍ରମ୍ପ ପ୍ରାୟ ଦୁଇରୁ ତିନି ମାସ ମଧ୍ୟରେ ସୋସିଆଲ ମିଡିଆ ପ୍ଲାଟଫର୍ମକୁ ଫେରିବେ।
ହିଲ୍ ରିପୋର୍ଟ ଅନୁଯାୟୀ ଏହି ୱେବ୍ସାଇଟ୍ ସମର୍ଥକମାନଙ୍କୁ ଇଭେଣ୍ଟରେ ଅଂଶଗ୍ରହଣ କରିବାକୁ, ଚିଠି ଦାଖଲ କରିବାକୁ ଏବଂ ବ୍ୟକ୍ତିଗତ ଅଭିବାଦନ ମାଗିବାକୁ ଅନୁମତି ଦେବା ପାଇଁ ଉଦ୍ଦିଷ୍ଟ।