ନବରଙ୍ଗପୁର: ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ବ୍ଲକ୍ ଜଟାବହାଲ ନିକଟ ପେଟ୍ରୋଲ ପମ୍ପ ଠାରେ ଏକ ଚାଉଳ ବୋଝେଇ ଟ୍ରକକୁ ପଛପଟୁ ଧକ୍କା ଦେଇଛି ବାଇକ।
ବାଇକରେ ଦୁଇଜଣ ବସିଥିବା ବେଳେ ଚାଳକ ସମ ଭତରାଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଛି। ସୂଚନା ଅନୁଯାୟୀ ସମ ଭତରା ଓ ନବୀନ ଭତରା କୌଣସି କାମରେ ଯାଇ ନିଜ ଘର ପିପାଲଗୁଡ଼ାକୁ ଫେରୁଥିବା ବେଳେ ଭାରସାମ୍ୟ ହରାଇ ରାସ୍ତାରେ ଯାଉଥିବା ଟ୍ରକକୁ ପଛ ପଟୁ ଧକ୍କା ଦେଇଥିଲେ।
ତେବେ ମୋଟର ସାଇକେଲର ବେଗ ଅଧିକ ଥିବାରୁ ଟ୍ରକରେ ପିଟିହେବା ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ସେହିପରି ପଛ ପଟେ ବସିଥିବା ନବୀନ ଗୁରୁତର ଆହତ ହୋଇଥିଲା ବେଳେ ତାଙ୍କୁ ଉଦ୍ଧାର କରି ପାପଡାହାଣ୍ଡି ଡାକ୍ତରଖାନାରେ ଚିକିତ୍ସା କରାଯାଉଛି।
ଦୁର୍ଘଟଣାର ସମ୍ପୂର୍ଣ୍ଣ ଚିତ୍ର ପେଟ୍ରୋଲ ପମ୍ପରେ ଲାଗିଥିବା ସିସିଟିଭିରେ କଏଦ ହୋଇଥିବା ଜଣାପଡିଛି।
Comments are closed.