ନୂଆଦିଲ୍ଲୀ: ଆମେରିକାର ‘ଜଳବାୟୁ ରାଷ୍ଟ୍ରଦୂତ ଜନ୍ କେରି ଏପ୍ରିଲ୍ ୫-୮ ରୁ ଭାରତରେ ଉପସ୍ଥିତ ରହିବେ ଯେଉଁଥିରେ ସେ ରାଷ୍ଟ୍ରପତି ଜୋ ବାଇଡେନଙ୍କ ଦ୍ବାରା ଆୟୋଜିତ ଜଳବାୟୁ ଉପରେ ଆଗାମୀ ନେତାଙ୍କ ସମ୍ମିଳନୀ ବୈଠକରେ ମୁଖ୍ୟ ଜଳବାୟୁ ପ୍ରସଙ୍ଗ ଉପରେ ଆଲୋଚନା କରିବେ। ଏ ନେଇ ବୈଦେଶିକ ବ୍ୟାପାର ମନ୍ତ୍ରଣାଳୟ ଶୁକ୍ରବାର ଦିନ କହିଛି।
MEA ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ ରାଷ୍ଟ୍ରପତି ବାଇଡେନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଜଳବାୟୁ ଉପରେ ଅନୁଷ୍ଠିତ ସମ୍ମିଳନୀରେ ଯୋଗଦେବାକୁ ନିମନ୍ତ୍ରଣ କରିଥିଲେ।
ପ୍ରଧାନମନ୍ତ୍ରୀ ମୋଦୀ ରାଷ୍ଟ୍ରପତି ବାଇଡେନଙ୍କ ପଦକ୍ଷେପକୁ ସ୍ୱାଗତ କରିଛନ୍ତି ଏବଂ ନିମନ୍ତ୍ରଣ ଗ୍ରହଣ କରିଛନ୍ତି ବୋଲି ସେ ଏକ ଅନଲାଇନ୍ ମିଡିଆ ସଂକ୍ଷିପ୍ତ ବୈଠକରେ କହିଛନ୍ତି।