ଶ୍ରୀନଗର: ଜମ୍ମୁ ଓ କାଶ୍ମୀରର ଫୁଲୱାମାଠାରେ ଆତ୍ମଘାତୀ ଆକ୍ରମଣରେ ସୁରକ୍ଷାକର୍ମୀଙ୍କ ମୃତ୍ୟୁ ସଂଖ୍ୟା ୪୦ ରେ ପହଞ୍ଚିବା ସହିତ ୪୫ ଜଣ ସୁରକ୍ଷାକର୍ମୀ ଏହି ଘଟଣାରେ ଗୁରୁତର ଭାବେ ଆହତ ହୋଇଛନ୍ତି ।
ଆତଙ୍କବାଦୀ ସଂଗଠନ ଜୈଶ-ଇ-ମହମ୍ମଦ ଏହି ଆକ୍ରମଣ ଘଟଣାରେ ନିଜକୁ ଦାୟୀ କରିଥିବାର ସୂଚନା ମିଳିଛି ।
ଜମ୍ମୁ ଓ କାଶ୍ମୀରର ଶ୍ରୀନଗର-ଜମ୍ମୁ ରାଜପଥରେ ୭୦ଟି ବସରେ ସିଆରପିଏଫ ସୁରକ୍ଷାକର୍ମୀ ଯାଉଥିବା ବେଳେ ଜୈଶ-ଇ-ମହମ୍ମଦ ଆତଙ୍କବାଦୀ ସଂଗଠନର ସଦସ୍ୟ ଆଦିଲ୍ ଅହମ୍ମଦ ଏକ ବିସ୍ଫୋରକ ଭରା ଗାଡ଼ିରେ ଆସି ଗୋଟିଏ ବସରେ ଧକ୍କା ଦେଇଥିଲା । 
ଆତଙ୍କବାଦୀମାନଙ୍କ ବିସ୍ଫୋରକ ଭରା ଗାଡ଼ି ସୁରକ୍ଷାକର୍ମୀଙ୍କ ଗାଡ଼ିକୁ ଧକ୍କା ଦେବା ଫଳରେ ପ୍ରଚଣ୍ଡ ବିସ୍ଫୋରଣ ହୋଇଥିଲା । ଘଟଣାସ୍ଥଳରେ ଅଧିକାଂଶ ଯବାନଙ୍କ ପ୍ରାଣହାନୀ ଘଟିଥିବାର ସୂଚନା ହସ୍ତଗତ ହୋଇଛି ।
Attack on CRPF personnel in Pulwama is despicable. I strongly condemn this dastardly attack. The sacrifices of our brave security personnel shall not go in vain. The entire nation stands shoulder to shoulder with the families of the brave martyrs. May the injured recover quickly.
— Narendra Modi (@narendramodi) February 14, 2019
ଏହି ଘଟଣାକୁ ତୀବ୍ର ନିନ୍ଦା କରିବା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ଦେଶର ସୁରକ୍ଷା ଲାଗି ପ୍ରାଣବଳୀ ଦେଇଥିବା ଯବାନମାନଙ୍କ ଉତ୍ସର୍ଗ କେବେ ବି ନିଃଷ୍ଫଳ ଯିବନାହିଁ ।
Deeply saddened by the martyrdom of so many @crpfindia #jawans in terrorist attack in #Pulwama district of #JammuAndKashmir. Strongly condemn the cowardly act and condolences to the bereaved families.
— Naveen Patnaik (@Naveen_Odisha) February 14, 2019
ଆତଙ୍କବାଦୀଙ୍କ ଏହି ବର୍ବରୋଚିତ ଆକ୍ରମଣକୁ ତୀବ୍ର ନିନ୍ଦା କରିବା ସହିତ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସହିଦ ହୋଇଥିବା ସୁରକ୍ଷାକର୍ମୀଙ୍କ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜ୍ଞାପନ କରିଛନ୍ତି ।
ଘଟଣାସ୍ଥଳରେ ଖଣ୍ଡ ବିଖଣ୍ଡିତ ମୃତ ଶରୀର ପଡ଼ିରହିଥିଲା । 
ବିଭିନ୍ନ ସେନା ଗାଡ଼ିରେ ପ୍ରାୟ ୨,୫୦୦ ଯବାନ ବିଭିନ୍ନ ସ୍ଥାନରେ ମୂତୟନ ହେବାକୁ ଯାଉଥିଲେ ।
Comments are closed.