ଆମେରିକା : ରକଷ୍ଟାର କର୍ଟ କୋବେନଙ୍କ ୬ଟି କେଶ ନିଲାମ ହୋଇଛି ୧୪୧୪୫ ଡଲାରରେ ; ଯାହାର ଭାରତୀୟ ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ। ନିକଟରେ ଆମେରିକାରେ ଏହି ନିଲାମ ହୋଇଥିଲା ।
ବିଶ୍ୱର ସବୁଠାରୁ ଲୋକପ୍ରିୟ ରକଷ୍ଟାର ଥିଲେ କର୍ଟ କୋବେନ। ସେ ଏକାଧାରରେ ଥିଲେ ଜଣେ ଗୀତିକାର , ଗାୟକ ଏବଂ ଗୀତାର ବାଦକ।
ନିର୍ବାଣ ବ୍ୟାଣ୍ଡର ସଦସ୍ୟ ଭାବରେ, ପ୍ରଥମ ଆଲବମ ମୁକ୍ତିଲାଭ କରିବାର ଚାରିମାସ ପୂର୍ବରୁ କୋବେନ ତାଙ୍କର କେଶ କାଟିଥିଲେ । ଆଲବମଟି ସୁପର ହିଟ ହୋଇଥିଲା ଏବଂ ସେ ରାତାରାତି ସୁପରଷ୍ଟାର ପାଲଟି ଯାଇଥିଲେ। ଏହାପରେ କୋବେନଙ୍କ ବ୍ୟବହୃତ ସମସ୍ତ ଜିନିଷ ବ୍ରାଣ୍ଡର ମାନ୍ୟତା ପାଇଲା। କୋବେନଙ୍କ ଗୀତାର ମଧ୍ୟ ୬ ମିଲିୟନ ଡଲାରରେ ଅର୍ଥାତ ୪୪ କୋଟିରେ ନିଲାମ ହୋଇ ରେକର୍ଡ ସୃଷ୍ଟି କରିଥିଲା।
ଅତି କମ ବୟସରେ ସଫଳତାର ସ୍ୱାଦ ଚାଖିଥିବା କୋବେନ ମାନସିକ ଅବସାଦର ଶିକାର ହୋଇ , ମାତ୍ର ୨୭ ବର୍ଷ ବୟସରେ ଆତ୍ମହତ୍ୟା କରିଥିଲେ। ମୃତ୍ୟୁ ପୂର୍ବରୁ କିନ୍ତୁ ସେ ବିଶ୍ୱର ସବୁଠୁ ପ୍ରଭାବଶାଳୀ ରକଷ୍ଟାର ଭାବରେ ବିଖ୍ୟାତ ହୋଇ ସାରିଥିଲେ।
Comments are closed.