ଓଡ଼ିଶା ସମ୍ୱାଦ ବ୍ୟୁରୋ: ପ୍ରଥମ ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲରେ କିଏ ମାରିବ ବାଜି ? ଭାରତ ନା ନ୍ୟୁଜିଲାଣ୍ଡ ? କିଏ ଟେଷ୍ଟରେ ବେଷ୍ଟ ? ଓ୍ୱାଲର୍ଡ ଟେଷ୍ଟ ଚାମ୍ପିଅନସିପରେ ଆଜି ନ୍ୟୁଜିଲାଣ୍ଡ ଓ ଭାରତ ମଧ୍ୟରେ ଟକ୍କର ହେବ । ଟିମ୍ କୋହଲି ବନାମ ଟିମ୍ କେନ୍ । ମୁକାବିଲା ଜୋରଦାର ହେବା ଅନୁମାନ କରାଯାଉଛି । ଦୁଇ ଦଳର ପଲ୍ଲା ଭାରି ଅଛି । ଭାରତୀୟ ସମୟ ଅପରାହ୍ଣ ୩ଟାରେ ଆରମ୍ଭ ହେବ ମ୍ୟାଚ୍ । କୋଟି କୋଟି କ୍ରିକେଟ ଫ୍ୟାନଙ୍କ ନଜର ଏହି ଚାମ୍ପିଅନସିପ ଉପରେ ରହିଛି ।
ଅଭିଜ୍ଞ ଯୁବ ତାରକାଙ୍କୁ ନେଇ ମୈଦାନକୁ ଓହ୍ଲାଇବ ଟିମ୍ ଇଣ୍ଡିଆ । କ୍ୟାପଟେନ୍ ବିରାଟ କୋହଲିଙ୍କ ପାଇଁ ଏହି ଚାମ୍ପିଅନସିପ୍ ବଡ଼ ଗୁରୁତ୍ୱ ରଖୁଛି । ଟିମ୍ ଇଣ୍ଡିଆର ସଫଳ ଅଧିନାୟକ ଓ ସର୍ବଶ୍ରେଷ୍ଠ ବ୍ୟାଟ୍ସମ୍ୟାନ ଭାବରେ ଏଯାଏ କୌଣସି ଚାମ୍ପିଅନସିପ୍ ନିଜ ନାଁରେ କରି ପାରି ନାହାନ୍ତି ବିରାଟ । ରୋହିତ ଶର୍ମା ଓ ଶୁଭମନ ଗିଲଙ୍କୁ ଓପେନିଂ ପାର୍ଟନରସିପରେ ବଡ଼ ସ୍କୋର କରିବାକୁ ପଡ଼ିବ । ରୋହିତଙ୍କ କାନ୍ଧରେ ଗୁରୁ ଦାୟିତ୍ୱ ରହିବ ।
ସେହିପରି ଇଂଲଣ୍ଡ ପିଚରେ ଚେତେଶ୍ୱର ପୂଜାରା ଓ ଆଜିଙ୍କ୍ୟ ରାହାଣେଙ୍କ ବ୍ୟାଟ୍ ଚାଲିଲେ ଭାରତ ମଜଭୁତ ସ୍ଥିତିକୁ ଆସିପାରିବ । ବିରାଟ କୋହଲି, ରିଷଭ ପନ୍ଥଙ୍କୁ ବି ଠିକଣା ସମୟରେ ଭଲ ଖେଳିବାକୁ ପଡ଼ିବ । ବୋଲିଂ ବାହିନୀ ସମ୍ଭାଳିବେ ଯଶପ୍ରୀତ ବୁମରାହ, ଇଶାନ୍ତ ଶର୍ମା, ମହମ୍ମଦ ସାମି, ରବୀନ୍ଦ୍ର ଜାଡ଼େଜା ଓ ଆର୍. ଅଶ୍ୱିନ୍ ।
ଅନ୍ୟପଟେ ଟିମ୍ ଇଣ୍ଡିଆକୁ ଚେକ୍ ଦେବାକୁ ରଣନୀତି ସହ ମୈଦାନକୁ ଓହ୍ଲାଇବାକୁ ତୟାର ନ୍ୟୁଜିଲାଣ୍ଡ । ଅଧିନାୟକ କେନ୍ ଓ୍ୱିଲିୟମସନଙ୍କ ଟିମରେ ଅଛନ୍ତି ଅନୁଭବୀ ଖେଳାଳି । ଉଭୟ ବ୍ୟାଟିଂ ଓ ବୋଲିଂରେ ସନ୍ତୁଳିତ ଦଳ । ଅଭିଜ୍ଞ ଓ ଯୁବ ଖେଳାଳି ଅଛନ୍ତି । ଦିନିକିଆ ବିଶ୍ୱକପରେ ଦୁଇ ଦୁଇ ଥର ରନର୍ସ ଅପ୍ ହୋଇଥିବା କିଓ୍ୱି ବାହିନୀ ପାଇଁ ଓ୍ୱାଲର୍ଡ ଟେଷ୍ଟ ଚାମ୍ପିଅନସିପ୍ କୌଣସି ବିଶ୍ୱକପ୍ ମୁକାବିଲାଠାରୁ କମ୍ ନୁହେଁ ।
BREAKING NEWS
- ଦ୍ୱିତୀୟ ପର୍ଯ୍ୟାୟ ଭୋଟିଂ ପାଇଁ ସୁରକ୍ଷା ବ୍ୟବସ୍ଥା କଡାକଡି, ନିୟୋଜିତ ହେବେ ୩୩ ହଜାର ପୋଲିସ କର୍ମଚାରୀ
- ଆଣ୍ଡାମାନ ଛୁଇଁଲା ମୌସୁମୀ; ୩୧ ତାରିଖ ସୁଦ୍ଧା କେରଳ ଛୁଇଁବା ନେଇ ସମ୍ଭାବନା
- କିର୍ଗିଜସ୍ଥାନରେ ହିଂସାକାଣ୍ଡ: ଅନ୍ଧାର ଘରେ ଫସିରହିଛନ୍ତି ଭାରତୀୟ ଛାତ୍ରଛାତ୍ରୀ
- ଆରପାରିରେ ଆଇସକ୍ରିମ ମ୍ୟାନ ରଘୁନନ୍ଦନ କାମତ
- ଘଡ଼ଘଡ଼ି ସହ ଝଡ଼ବର୍ଷା ନେଇ ୬ ଜିଲ୍ଲାକୁ ୩ ଘଣ୍ଟିଆ ୟେଲୋ ୱାର୍ଣ୍ଣିଂ
- ‘ଓଡ଼ିଶାରେ ବେଙ୍ଗଲ ସ୍ଥିତି କରିବାକୁ ଚାହୁଁଛନ୍ତି ମୁଖ୍ୟମନ୍ତ୍ରୀ’
- ରାତି ପାହିଲେ ପଞ୍ଚମ ପର୍ଯ୍ୟାୟ ମତଦାନ, ଭୋଟ ଦେବେ ୮.୯୫ କୋଟି ଲୋକ
- ପାଣ୍ଡିଆନଙ୍କୁ ଅପରାଜିତାଙ୍କ ପରାମର୍ଶ: କେନ୍ଦ୍ରମନ୍ତ୍ରୀଙ୍କ ବିରୋଧରେ ନକରାତ୍ମକ ଟିପ୍ପଣୀ କରନ୍ତୁ ନାହିଁ, ସୀମା ଭିତରେ ରୁହନ୍ତୁ
- ପୁଣି ପତଞ୍ଜଳିକୁ ଝଟକା,ଖରାପମାନର ସୁନ ପାମ୍ପୁଡି ବିକି କର୍ମଚାରୀଙ୍କୁ ଜେଲ୍
- ‘୫୦ ବର୍ଷ କଂଗ୍ରେସ, ୨୫ ବର୍ଷ ବିଜେଡି, ତଥାପି ଓଡିଶା ପଛରେ’