ରାୟଗଡା: ରାଜସ୍ଥାନକୁ ରାୟଗଡ଼ାରୁ ଗଞ୍ଜେଇ ଚୋରା ଚାଲାଣ । ସୂଚନା ପାଇ ରେଡ୍ କଲା ମୁନିଗୁଡା ପୋଲିସ । ରାଜସ୍ଥାନ ଆଜମେରକୁ ଗଞ୍ଜେଇ ଚୋରା ଚାଲାଣ ପାଇଁ ଢ଼େପାଗୁଡା ନିକଟରେ ଟ୍ରକରେ ଲୋଡିଂ ହେଉଥିବା ବେଳେ ଚଢ଼ାଉ କଲା ପୋଲିସ । ଏହି ଘଟଣାରେ ୬ ଜଣଙ୍କୁ ଗିରଫ କରାଯାଇଛି । ସେମାନଙ୍କ ଭିତରେ ଅଛନ୍ତି ଟ୍ରକ୍ ମାଲିକ, ଡ୍ରାଇଭର ଓ ୪ଜଣ ସ୍ଥାନୀୟ ଗଞ୍ଜେଇ ବେପାରୀ । ଜବତ ହୋଇଛି ମୋଟ୍ ୭.୮ କ୍ୱିଣ୍ଟାଲ ଗଞ୍ଜେଇ ।
7.8 Quintal contraband #ganja seized by Muniguda police during raid near vill Mali Dhepaguda on 3.7.21. 06 accused persons arrested. Police team seized a truck, an auto & a tractor in this raid. Case under NDPS Act registered & further investigation on.@DGPOdisha@digswrkoraput pic.twitter.com/W3YGboefZ2
— SP Rayagada (@sprayagada) July 4, 2021
ଗୋଟିଏ ଟ୍ରକ, ଟ୍ରାକ୍ଟର, ଅଟୋ ସହ ମୋଟ୍ ୭.୮ କ୍ୱିଣ୍ଟାଲ ଗଞ୍ଜେଇ ଜବତ କରିଛି ମୁନିଗୁଡ଼ା ଥାନା ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୭୮ ଲଲକ୍ଷରୁ ଅଧିକ ଟଙ୍କା ହେବ । ଟ୍ରକଟି ବିଶାଖାପାଟଣାରୁ ଫେରୋ ନିକେଲ ନେଇ ରାଜସ୍ଥାନର ଆଜମେର ଯାଉଥିଲା । ବସ୍ତାରେ ବନ୍ଧା ହୋଇ ଚାଲାଣ ହେଉଥିଲା ।
ଟ୍ରକରେ ଗଞ୍ଜେଇ ଚାଲାଣ ନେଇ ପୋଲିସକୁ ମିଳିଥିଲା ଆଗୁଆ ସୂଚନା । ଅଚାନକ ଘଟଣାସ୍ଥଳରେ ପହଞ୍ଚି ୬ ଜଣଙ୍କୁ କାବୁ କରିବା ସହ ଚୋରା ଗଞ୍ଜେଇ ଜବତ କରିଛି ମୁନିଗୁଡ଼ା ଥାନା ପୋଲିସ । ଅଧିକ ଖୋଳତାଡ ଜାରି ରହିଛି ।