ଟୋକିଓ: ଟୋକିଓ ଅଲିମ୍ପିକ୍ସରେ ଭାରତୀୟ ଶୁଟରଙ୍କ ନୈରାଶ୍ୟଜନକ ପ୍ରଦର୍ଶନ ଜାରୀ ରହିଛି । ଅପରପକ୍ଷରେ ରୋଇଂର ଲାଇଟ ୱେଟ ଡବଲ୍ସ ସ୍କଲ୍ସରେ ଭାରତୀୟ ଯୋଡି ପ୍ରଭାବୀ ପ୍ରଦର୍ଶନ କରିଛନ୍ତି ।
ରୋଇଂ: ଭାରତର ଅର୍ଜୁନ ଲାଲ ଓ ଅରବିନ୍ଦ ସିଂ ଯୋଡି ରୋଇଂ ପୁରୁଷ ଲାଇଟ ୱେଟ ଡବଲ୍ସ ସ୍କଲ୍ସ ଇଭେଂଟର ସେମିଫାଇନାଲରେ ପ୍ରବେଶ କରି ପଦକ ଆଶା ଉଜ୍ଜୀବିତ କରିଛନ୍ତି । ରେପଚେଜ ରେସରେ ସେମାନେ ଭଲ ପ୍ରଦର୍ଶନ କରି ସୁଯୋଗର ଫାଇଦା ଉଠାଇଥିଲେ ।
ଶୁଟିଂ: ମହିଳା ୧୦ ମିଟର ଏୟାର ପିସ୍ତଲ ଇଭେଂଟରେ ଭାରତର ମନୁ ଭାକର ଓ ଯଶସ୍ୱିନୀ ଦେସୱାଲ ଫାଇନାଲକୁ କ୍ୱାଲିଫାଇ କରିପାରି ନାହାନ୍ତି । ମନୁ ୫୭୫ ପଂଏଟ ସହ ୧୨ ଓ ଯଶସ୍ୱିନୀ ୫୭୩ ସହ ୧୩ତମ ସ୍ଥାନରେ ରହିଛନ୍ତି । ୧୦ ମିଟର ଏୟାର ରାଇଫଲରେ ଦୀପକ କୁମାର ଓ ଦିବ୍ୟାଂଶ ସିଂ ଫାଇନାଲକୁ ଉନ୍ନୀତ ହୋଇପାରି ନାହାନ୍ତି । ଦୀପକ ୨୬ ଓ ଦିବ୍ୟାଂଶ ୩୨ତମ ସ୍ଥାନରେ ରହିଥିଲେ ।
ଟେନିସ: ଭାରତର ସାନିଆ ମିର୍ଜା ଓ ଅଙ୍କିତା ରୈନା ଟେନିସ ମହିଳା ଡବଲ୍ସରେ ପରାଜିତ ହୋଇଛନ୍ତି । ୟୁକ୍ରେନର ନାଦିୟା କିଚନକ ଓ ଲିୟୁଡମ୍ୟାଲ କିଚନକ ୦-୬, ୭-୬, ୧୦-୮ରେ ଭାରତୀୟ ଯୋଡିଙ୍କୁ ପରାସ୍ତ କରିଥିଲେ ।
Comments are closed.