ନୂଆଦିଲ୍ଲୀ: ଆଜି କାରଗିଲ୍ ବିଜୟ ଦିବସ। କାରଗିଲ୍ ଯୁଦ୍ଧରେ ସହିଦ ହୋଇଥିବା କ୍ୟାପଟେନ ବିକ୍ରମ ବାତ୍ରା ଅନ୍ୟମାନଙ୍କ ପାଇଁ ସାହସ ଏବଂ ପ୍ରେରଣାର ଉତ୍ସ ଥିଲେ। ଦେଶ ପାଇଁ ତାଙ୍କ ଅବଦାନ ଅବିସ୍ମରଣୀୟ। କେବଳ ଯୁଦ୍ଧକ୍ଷେତ୍ରରେ ତାଙ୍କର ବୀରତ୍ୱ ଏବଂ ନିଷ୍ଠା ନୁହେଁ ବରଂ ଡିମ୍ପଲ୍ ଜିମାନଙ୍କ ପ୍ରତି ଥିବା ତାଙ୍କ ନିସ୍ବାର୍ଥପର ପ୍ରେମ ପାଇଁ ମଧ୍ୟ ସେ ଅନନ୍ୟ ପରଚିୟ ଲାଭ କରିଥିଲେ।
୧୯୯୯ରେ କାରଗିଲ୍ ବିବାଦ ସମୟରେ କ୍ୟାପଟେନ ବାତ୍ରା ୧୬,୦୦୦ ଫୁଟ ଉଚ୍ଚରେ ରହି ଶତ୍ରୁ ସହିତ ମୁକାବିଲା କରି ସହିଦ ହୋଇଥିଲେ।
୧୯୯୫ରେ ଚଣ୍ଡିଗଡ଼ର ପଞ୍ଜାବ ବିଶ୍ୱବିଦ୍ୟାଳୟରେ ଡିମ୍ପଲ୍ ଚିମା ଏବଂ ବିକ୍ରମଙ୍କର ପ୍ରଥମ ଥର ପାଇଁ ସାକ୍ଷାତ ହୋଇଥିଲା। ଉଭୟ ଇଂରାଜୀରେ ମାଷ୍ଟର ଡିଗ୍ରୀ ହାସଲ କରିବାକୁ ନାମ ଲେଖାଇଥିଲେ।
ଏକ ସାକ୍ଷାତକାରରେ ଡିମ୍ପଲ୍ ପ୍ରକାଶ କରିଛନ୍ତି ଯେ ଉଭୟେ ସଫଳ ହୋଇପାରିନାହାନ୍ତି। ଡିମ୍ପଲ୍ ଆହୁରି କହିଛନ୍ତି ଯେ ବିକ୍ରମ ୧୯୯୬ରେ ଡେରାଡୁନରେ ଭାରତୀୟ ମିଲିଟାରୀ ଏକାଡେମୀ ପାଇଁ ମନୋନୀତ ହେବାପରେ ସେ ବହୁତ ଖୁସି ଥିଲେ।
ଉଭୟ ଦମ୍ପତି ନିୟମିତ ଭାବରେ ମନସା ଦେବୀ ମନ୍ଦିର ଏବଂ ଗୁରୁଦ୍ୱାର ଶ୍ରୀ ନାଡା ସାହାବ ପରିଦର୍ଶନ କରିବାକୁ ଯାଉଥିଲେ। ଯେତେବେଳେ ସେ ତାଙ୍କର ଏକ ଭ୍ରମଣ ସମୟରେ ବିବାହ ବିଷୟରେ କଥା ହୋଇଥିଲେ ସେତେବେଳେ ବିକ୍ରମ ତାଙ୍କ ୱାଲେଟରୁ ଏକ ବ୍ଲେଡ୍ ବାହାର କରି ନିଜ ଆଙ୍ଗୁଠି କାଟି ଡିମ୍ପଲଙ୍କ ମଥାକୁ ରକ୍ତ ସିନ୍ଦୂରରେ ଭରି ଦେଇଥିଲେ। ଆଜି ପର୍ଯ୍ୟନ୍ତ ଏହି ସ୍ମୃତି ଡିମ୍ପଲଙ୍କ ମନରେ ତାଜା ହୋଇ ରହିଛି। ତେବେ ବିକ୍ରମଙ୍କ ମୃତ୍ୟୁ ପରେ ଡିମ୍ପଲ୍ ଆଉ ବିବାହ କରିନଥିଲେ।
‘ଶେର୍ ଶାହା’ ନାମରେ ପରିଚିତ କ୍ୟାପଟେନ ବିକ୍ରମ ବାତ୍ରା ୭ ଜୁଲାଇ ୧୯୯୯ରେ ଦେଶ ପାଇଁ ସହିଦ ହୋଇଥିଲେ। ସେ ଏହି ଯୁଦ୍ଧରେ ସ୍ଲୋଗାନ ଭାବରେ ‘ୟେ ଦିଲ ମାଙ୍ଗେ ମୋର୍’ ବ୍ୟବହାର କରିଥିଲେ। ଯାହା ବହୁଳ ଭାବରେ ଲୋକପ୍ରିୟ ହୋଇଥିଲା।
କାର୍ଗିଲ ଯୁଦ୍ଧ ସମୟରେ ସବୁଠାରୁ କଠିନ ଅପରେସନ୍ର ନେତୃତ୍ୱ ନେଇଥିବା କ୍ୟାପଟେନ ବାତ୍ରା ତାଙ୍କ ଉଦ୍ୟମ ପାଇଁ ଭାରତର ସର୍ବୋଚ୍ଚ ତଥା ସମ୍ମାନଜନକ ପୁରସ୍କାର ପରମ ବୀର ଚକ୍ର ଗ୍ରହଣ କରିଥିଲେ।
Comments are closed.