ଟୋକିଓ: ଟୋକିଓ ଅଲିମ୍ପିକ୍ସରେ ଭାରତୀୟ ତୀରନ୍ଦାଜ ପୁରୁଷ ଟିମ୍ କ୍ୱାର୍ଟର ଫାଇନାଲରେ ପରାଜିତ ହୋଇଛନ୍ତି । ଦକ୍ଷିଣ କୋରିଆ ୩ଟି ଯାକ ସେଟରେ ଭାରତୀୟ ତୀରନ୍ଦାଜଙ୍କୁ ମାତ ଦେଇଥିଲେ । ୬-୦ ସେମାନେ ଏହି ବିଜୟ ହାସଲ କରିଥିଲେ । ପୂର୍ବରୁ କାଜକସ୍ତାନକୁ ୫୫-୫୪, ୫୨-୫୧, ୫୬-୫୭, ୫୫-୫୪ ରେ ପରାସ୍ତ କରି ଭାରତ କ୍ୱାର୍ଟରରେ ପ୍ରବେଶ କରିଥିଲା ।
ଟେବୁଲ ଟେନିସ: ଟେବୁଲ ଟେନିସ ପୁରୁଷ ସିଙ୍ଗଲ୍ସରେ ଭାରତର ଅଚନ୍ତା ଶରଥ କମଲ ଚମତ୍କାର ପ୍ରଦର୍ଶନ କରି ତୃତୀୟ ରାଉଣ୍ଡକୁ ଉନ୍ନୀତ ହୋଇଛନ୍ତି । ସେ ପର୍ତୁଗାଲର ଟିଓଗୋ ଏପୋଲେନିଆଙ୍କୁ ଦ୍ୱିତୀୟ ରାଉଣ୍ଡରେ ୨-୧୧, ୧୧-୮, ୧୧-୫, ୯-୧୧, ୧୧-୬ ଓ ୧୧-୯ରେ ହରାଇଥିଲେ ।
ହାରିଲେ ଭବାନୀ: ଅସୀ ଚାଳନାରେ ଭାରତର ଭବାନୀ ଦେବୀ ତାଙ୍କ ଦ୍ୱିତୀୟ ମୁକାବିଲାରେ ଫ୍ରାନ୍ସର ମ୍ୟାନନ ବ୍ରୁନେଟଙ୍କ ନିକଟରୁ ୭-୧୫ରେ ହାରି ଯାଇଛନ୍ତି । ପ୍ରଥମ ମୁକାବିଲାରେ ଟ୍ୟୁନିସିଆର ନାଦିୟା ବେନଙ୍କୁ ୧୫-୩ରେ ପରାସ୍ତ କରିଥିଲେ ।
ସାଇରାଜ-ଚିରାଗ ବିଦା: ବ୍ୟାଡମିଂଟନରେ ବି ଭାରତକୁ ଆଜି ନିରାଶା ହେବାକୁ ପଡିଛି । ପୁରୁଷ ଡବଲ୍ସରେ ଭାରତର ସାତ୍ୱିକ ସାଇରାଜ ଓ ଚିରାଗ ସେଟ୍ଟୀ ଯୋଡି ଇଣ୍ଡୋନେସିଆ ନିକଟରୁ ୨୧-୧୩, ୨୧-୧୨ରେ ହାରି ଯାଇଛନ୍ତି ।
Comments are closed.