ନୂଆଦିଲ୍ଲୀ: ପରଲୋକରେ ପୂର୍ବତନ ରାଜ୍ୟସଭା ସାଂସଦ ତଥା ବରିଷ୍ଠ ସାମ୍ବାଦିକ ଚନ୍ଦନ ମିତ୍ର । ଗତକାଲି ବିଳମ୍ବିତ ରାତିରେ ଦିଲ୍ଲୀରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଏନେଇ ତାଙ୍କ ପୁଅ କୃଷ୍ଣ ମିତ୍ର ସୂଚନା ଦେଇଛନ୍ତି । ଚନ୍ଦନ ମିତ୍ରଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ସେହିପରି ବହୁ ବିଶିଷ୍ଟ ବ୍ୟକ୍ତି ବି ତାଙ୍କ ବିୟୋଗରେ ଶୋକବ୍ୟକ୍ତ କରିଛନ୍ତି ।
Shri Chandan Mitra Ji will be remembered for his intellect and insights. He distinguished himself in the world of media as well as politics. Anguished by his demise. Condolences to his family and admirers. Om Shanti.
— Narendra Modi (@narendramodi) September 2, 2021
୨୦୦୩ ମସିହାରେ ପ୍ରଥମ ଥର ରାଜ୍ୟସଭାକୁ ମନୋନୀତ ହୋଇଥିଲେ ଚନ୍ଦନ ମିତ୍ର । ପରେ ୨୦୧୦ରେ ଦ୍ୱିତୀୟ ଥର ଯାଇଥିଲେ ରାଜ୍ୟସଭା । ବିଜେପି ସଦସ୍ୟ ଭାବରେ ମଧ୍ୟପ୍ରଦେଶରୁ ସେ ରାଜ୍ୟସଭାକୁ ନିର୍ବାଚିତ ହୋଇଥିଲେ । ୨୦୧୬ରେ ତାଙ୍କ କାର୍ଯ୍ୟକାଳ ଶେଷ ହୋଇଥିଲା ।
ଭେଟେରାଲ୍ ଲାଲକୃଷ୍ଣ ଆଡଭାନିଙ୍କ ଘନିଷ୍ଠ ଥିଲେ ଚନ୍ଦନ ମିତ୍ର । ତେବେ ମୋଦି-ଶାହଙ୍କ ନେତୃତ୍ୱରେ ତାଙ୍କୁ କୋଣଠେସା ହେବାକୁ ପଡ଼ିଥିଲା । ୨୦୧୮ରେ ସେ ବିଜେପିରୁ ଇସ୍ତଫା ଦେଇଥିଲେ । ଏହାପରେ ତୃଣମୂଳ କଂଗ୍ରେସରେ ଯୋଗ ଦେଇଥିଲେ ଚନ୍ଦନ ମିତ୍ର ।
ଚନ୍ଦନ ମିତ୍ର ପାୟୋନିର ପରିଚାଳନା ନିର୍ଦ୍ଦେଶକ ଥିଲେ । ତାପୂର୍ବରୁ ଦି ଷ୍ଟେଟସମ୍ୟାନ୍, ଟାଇମ୍ସ ଅଫ୍ ଇଣ୍ଡିଆ, ଦି ସନଡେ ଅବଜରଭର୍, ଦି ହିନ୍ଦୁସ୍ତାନ ଟାଇମ୍ସ ଆଦି ଜଣାଶୁଣା ଅନୁଷ୍ଠାନରେ ସାମ୍ବାଦିକତା କରିଥିଲେ । ଚନ୍ଦନ ମିତ୍ରଙ୍କ ବିୟୋଗ ଗଣମାଧ୍ୟମ ଦୁନିଆ ପ୍ରତି ଏକ ଅପୂରଣୀୟ କ୍ଷତି ।