ଭୁବନେଶ୍ୱର: ନୂଆବର୍ଷରେ ଜୀବନ ହାରିଲେ ଛାତ୍ରୀ । ଭୁବନେଶ୍ୱରରେ ଘରୋଇ କଲେଜ ହଷ୍ଟେଲରୁ ଜଣେ ଛାତ୍ରୀଙ୍କର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ଇନଫୋସିଟି ଥାନା ଅଞ୍ଚଳର ଏକ ଘରୋଇ କଲେଜ ହଷ୍ଟେଲରେ ଏହି ଘଟଣା ଘଟିଛି ।
ମୃତ ଛାତ୍ରୀ ଜଣଙ୍କ ଏମବିଏ ଦ୍ୱିତୀୟ ବର୍ଷରେ ପଢୁଥିଲେ । ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ପୋଲିସ । ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ମୃତ୍ୟୁର ପ୍ରକୃତ କାରଣ ଅସ୍ପଷ୍ଟ ରହିଛି । ପୋଷ୍ଟମର୍ଟମ ରିପୋର୍ଟ ଆସିବା ପରେ ଜଣା ପଡ଼ିବ କେମିତି ହେଲା ମୃତ୍ୟୁ ?
ଏହି ଘଟଣାରେ ପୋଲିସ ହଷ୍ଟେଲ କର୍ମଚାରୀ ଓ ସାଙ୍ଗସାଥୀଙ୍କୁ ପଚରାଉଚରା କରିଛି । ସେ କୌଣସି ମାନସିକ ଚାପରେ ଥିଲେ କି ? ପଢ଼ାରେ କୌଣସି ଚାପ ରହିଥିଲା କି ? ନା ଆଉ କୌଣସି ସମସ୍ୟା ଦେଇ ସେ ଗତି କରୁଥିଲେ ? ଏସବୁ ଦିଗରେ ବି ଖୋଳତାଡ କରୁଛି ପୋଲିସ ।
Comments are closed.