ଓଡିଶା ଓପନ ବ୍ୟାଡମିଂଟନ: ଭାରତୀୟଙ୍କ ପ୍ରଭାବୀ ପ୍ରଦର୍ଶନ ଜାରୀ, ସେମିରେ ହାରିଲେ ଶ୍ୱେତପର୍ଣ୍ଣା-ଯାଦବ ଯୋଡି

କଟକ: ଚଳିତ ଓଡିଶା ଓପନ ବ୍ୟାଡମିଂଟନରେ ମିକ୍ସଡ ଡବଲ୍ସରେ ଭାରତ ପକ୍ଷରୁ ପ୍ରତିନିଧିତ୍ୱ କରୁଥିବା ଓଡିଆ ଝିଅ ଶ୍ୱେତପର୍ଣ୍ଣା ପଣ୍ଡା ସେମିଫାଇନାଲରେ ହାରି ଯାଇଛନ୍ତି । ଶ୍ୱେତପର୍ଣ୍ଣା ଓ ବି.ଯାଦବ ଯୋଡି ନିଜ ଦେଶର ଏମଆର ଅର୍ଜୁନ-ଟ୍ରେସା ଜଲିଙ୍କ ନିକଟରୁ ୨୧-୯, ୨୧-୯ ସେଟରେ ପରାଜିତ ହୋଇଥିଲେ । ମହିଳା ସିଙ୍ଗଲ୍ସ ପ୍ରଥମ ସେମିରେ ଭାରତର ମାଳବିକା ବାନସୋଦ ୨୪-୨୨, ୨୪-୨୨ରେ ନିଜ ଦେଶର ଉନ୍ନତି ହୁଦାଙ୍କ ନିକଟରୁ ହାରି ଯାଇଥିବା ବେଳେ ସ୍ମିତ ତୋସନିୱାଲ ନିଜ ଦେଶର ଅସ୍ମିତା ଚଲିହାଙ୍କୁ ୨୧-୧୯, ୧୦-୨୧, ୨୧-୧୭ରେ ପରାଜିତ କରିଛନ୍ତି ।

ପୁରୁଷ ସିଙ୍ଗଲ୍ସ ପ୍ରଥମ ସେମିଫାଇନାଲରେ ପ୍ରିୟାଂଶୁ ରାଜୱତ ନିଜ ଦେଶର ଡି.କୌଶଲଙ୍କୁ ୨୧-୧୭, ୨୧-୧୪ରେ ଏବଂ ଅଂଶଲ ଯାଦବଙ୍କୁ ୨୧-୧୯,୧୨-୨୧, ୧୪-୨୧ରେ ହରାଇ କିରନ ଜର୍ଜଜୁ ହରାଇ ଫାଇନାଲରେ ପ୍ରବେଶ କରିଛନ୍ତି । ପୁରୁଷ ଡବଲ୍ସ ଟାଇଟଲ ମୁକାବିଲାରେ ପିଏସ ରବିକ୍ରିଷ୍ଣା-ଏସପି ଉଦୟକୁମାର ଯୋଡି ମାଲେସିଆର ନୁର ମହମ୍ମଦ ଓ ଲିମ ଖିମ ୱାଙ୍କୁ ଭେଟିବେ । ସେହିପରି ମହିଳା ଡବଲ୍ସ ଫାଇନାଲକୁ ଟ୍ରେସା ଜଲୀ-ଗାୟତ୍ରୀ ଗୋପୀଚାନ୍ଦ ଯୋଡି ଏବଂ ସଂଯୋଗିତା ଘୋରପଡେ ଓ ଶ୍ରୁତି ମିଶ୍ର ଉନ୍ନୀତ ହୋଇଛନ୍ତି ।