ରାୟଗଡା : ଭିଜିଲାନ୍ସ ଜାଲରେ କୋଟିପତି ଶିକ୍ଷକ ଶିଶିର ସେମେଳି । ଚଢ଼ାଉ ବେଳେ ରାୟଗଡା ଜିଲ୍ଲା କାଶୀପୁର ବ୍ଲକ ନୂଆପଡାର ଶିକ୍ଷକ ଶିଶିର କୁମାର ସେମେଲିଙ୍କ ଘରୁ ଠାବ ହୋଇଛି ଅମାପ ସମ୍ପତ୍ତି । ତାଙ୍କ ଘରୁ ଠାବ ହୋଇଛି ସାଢ଼େ ୪ କୋଟିରୁ ଅଧିକ ଟଙ୍କାର ସମ୍ପତ୍ତି । ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ ଭିଜିଲାନ୍ସର ୪ଟି ଟିମ୍ ରାୟଗଡ଼ା ଜିଲ୍ଲାର ୬ଟି ସ୍ଥାନରେ ଏକକାଳୀନ ରେଡ୍ କରିଥିଲା ।
ଚଢାଉ ବେଳେ ନଗଦ ୨ଲକ୍ଷ ୮୮ ହଜାର ଟଙ୍କା, ୨ଟି ଚାରି ଚକିଆ ଯାନ, ୨ଟି ତିନି ମହଲା ଘର, ୩ଟି ଦୁଇ ମହଲା ଘର, ୨୧ ଲକ୍ଷ ୬୮ ହଜାର ଟଙ୍କାର ବ୍ୟାଙ୍କ ଜମା, ୪୦୮ ଗ୍ରାମ ଓଜନର ସୁନାଗହଣା, ୨୨୯ ଗ୍ରାମର ରୂପା ଅଳଙ୍କାର ଜବତ କରିଛି ଭିଜିଲାନ୍ସ । ପ୍ରାଥମିକ ବିଦ୍ୟାଳୟରେ ଶିକ୍ଷକ ଭାବେ କାର୍ଯ୍ୟରତ ଶିଶିର କୁମାର ସେମେଳି ଆୟ ବହିର୍ଭୂତ ସମ୍ପତ୍ତି ଠୁଳ କରିଥିବା ନେଇ ଅଭିଯୋଗ ପରେ ଚଢ଼ାଉ କରିଥିଲା ଭିଜିଲାନ୍ସ ।
ଶିଶିର ପ୍ରାଥମିକ ସ୍କୁଲ ଶିକ୍ଷକ ଥିବା ବେଳେ, ତାଙ୍କ ପତ୍ନୀ ଜଣେ ଅଙ୍ଗନୱାଡ଼ି କର୍ମୀ ଭାବେ କାର୍ଯ୍ୟ କରୁଥିଲେ । ରେଡ୍ ଜାରି ରହିଥିବା ବେଳେ ସଂପତ୍ତିର ପରିମାଣ ମଧ୍ୟ ବଢିବା ନେଇ ଆଶା କରାଯାଉଛି ।
Comments are closed.