ରିଓ: ବ୍ରାଜିଲର ଜଣେ ୧୦୦ ବର୍ଷର ବୃଦ୍ଧ ଗୋଟିଏ କମ୍ପାନୀରେ ୮୪ ବର୍ଷ ଚାକିରୀ କରି ନୂତନ ରେକର୍ଡ ସ୍ଥାପନ କରିଛନ୍ତି । ୱାଲ୍ଟର ଆର୍ଥମାନ ନାମକ ଏହି ବୃଦ୍ଧଙ୍କ ନାମ ଗିନିଜ ବୁକ ଅଫ ବିଶ୍ୱ ରେକର୍ଡରେ ସ୍ଥାନ ପାଇଛି । ୧୯ ଏପ୍ରିଲ ୧୯୨୨ରେ ଜନ୍ମ ଗ୍ରହଣ କରିଥିବା ଆର୍ଥମାନ ୧୭ ଜାନୁୟାରୀ ୧୯୩୮ରେ ଏକ ଟେକ୍ସଟାଇଲ କମ୍ପାନୀରେ ସେଲ୍ସ ମ୍ୟାନେଜର ଭାବେ କାର୍ଯ୍ୟ ଆରମ୍ଭ କରିଥିଲେ । ଏହି କମ୍ପାନୀ ପରେ ରେନାକ୍ସ ଭ୍ୟୁ ନାମକ ବଡ କମ୍ପାନୀରେ ପରିବର୍ତନ ହୋଇଥିଲା । ଏହା ପରେ ସେଲ୍ସ ମ୍ୟାନେଜର ଭାବେ କାର୍ଯ୍ୟ କରିଥିଲେ ।
ମୁଁ କେବେ ହେଲେ ଅତୀତ କିମ୍ବା ଭବିଷ୍ୟତକୁ ନେଇ ଚଳି ନ ଥାଏ । ସର୍ବଦା ବର୍ତମାନରେ ଚଳିବାକୁ ପସନ୍ଦ କରେ । ପ୍ରତ୍ୟେକ ଦିନକୁ ମୁଁ ନୂତନ ଦିନ ଭାବେ ଗଣତି କରିଥାଏ । ସକାଳୁ ଉଠିବି, ବ୍ୟାୟମ କରିବି ଏବଂ ଖାଦ୍ୟ ଖାଇ କାର୍ଯ୍ୟକୁ ଯିବି ବୋଲି କହିଛନ୍ତି ।
Comments are closed.