ନୂଆଦିଲ୍ଲୀ: ସିଦ୍ଧୁ ମୁସେୱାଲା ମର୍ଡର କେସରେ ଦିଲ୍ଲୀ ପୋଲିସକୁ ବଡ ସଫଳତା ହାତ ଲାଗିଛି । ସୋମବାର ୨ ଶାର୍ପ ଶୁଟର ଏବଂ ଜଣେ ମାଷ୍ଟରମାଇଣ୍ଡକୁ ଗିରଫ କରିଛି । ଶୁଟରଙ୍କ ନିକଟରୁ ବହୁ ମାତ୍ରାରେ ଅସ୍ତ୍ରଶସ୍ତ୍ର ଓ ବିସ୍ଫୋଟକ ଜବତ ହୋଇଛି । ଆସନ୍ତୁ ଜାଣିବା ଗିରଫ ହୋଇଥିବା ଶୁଟରଙ୍କ ଯୋଜନା ସମ୍ପର୍କରେ
ମାଷ୍ଟରମାଇଣ୍ଡ-ପ୍ରିୟବ୍ରତ ଓରଫ ଫୌଜି: ଗୋଲ୍ଡର ବରାର ନିକଟତର ବିବେଚନା କରାଯାଉଥିବା ପ୍ରିୟବ୍ରତ ଏହି ହତ୍ୟାର ଷଡଯନ୍ତ୍ର ରଚିଥିଲା । ସୋନୀପତର ଏହି ଅପରାଧୀକୁ ହତ୍ୟା ପୂର୍ବରୁ ଫତେହଗଡ ପେଟ୍ରୋଲ ପମ୍ପ ସିସିଟିଭିରେ ଫୁଟେଜରେ ଦେଖିବାକୁ ମିଳିଥିଲା । ଏହାର ସହାୟତା ନେଇ ପୋଲିସ ତାଙ୍କୁ ଗିରଫ କରିଥିଲା ।
କଶିଶ ଓରଫ କୁଲଦୀପ: ଝଜ୍ଜର ନିବାସୀ କୁଲଦୀପ ଏହି ହତ୍ୟା କାଣ୍ଡରେ ସାମିଲ ଥିଲା । ପେଟ୍ରୋଲ ପମ୍ପ ନିକଟରେ ଏହାକୁ ମଧ୍ୟ ସିସିଟିଭିରେ ଦେଖିବାକୁ ମିଳିଥିଲା ।
କେଶବ କୁମାର: ସିଦ୍ଧୁଙ୍କୁ ହତ୍ୟା କରିବା ପରେ ସମସ୍ତଙ୍କୁ ସୁରକ୍ଷିତ ସ୍ଥାନକୁ ପଠାଇବା ପାଇଁ କେଶବ କୁମାର ସହଯୋଗ କରିଥିଲା । ସୂଚନାଯୋଗ୍ୟ, ପୋଲିସ ମୁତାବକ ୬ଜଣ ଶୁଟର ଏହି ହତ୍ୟାକାଣ୍ଡରେ ସାମିଲ ଥିଲେ । ଖୁବ ଶୀଘ୍ର ବାକି ୪ଜଣ ଶୁଟରଙ୍କୁ ଗିରଫ କରାଯିବ ବୋଲି ତଦନ୍ତ ଦାୟିତ୍ୱ ନେଇଥିବା ପୋଲିସ ଅଧିକାରୀ କହିଛନ୍ତି ।
Comments are closed.