ନୂଆଦିଲ୍ଲୀ: ଭାରତ ଏବେ ଆଜାଦିର ଅମୃତ ମହୋତ୍ସବ ପାଳନ କରୁଥିବା ବେଳେ ୩୮ ବର୍ଷ ପରେ ସିୟାଚିନ ଗ୍ଲେସିୟରରୁ ଜଣେ ଯବାନଙ୍କ ଶରୀରର ଅବଶେଷ ମିଳିଛି । ଏହି ଯବାନଙ୍କ ଚିହ୍ନଟ ହୋଇଛି ଏବଂ ତାଙ୍କ ନାମ ଲାନ୍ସ ନାୟକ ଚନ୍ଦ୍ରଶେଖର । ୨୫ ମେ ୧୯୮୪ରେ ବରଫ ଝଡରେ ଜଣେ ଅଫିସରଙ୍କ ସମେତ ୭ ଯବାନ ନିଖୋଜ ହୋଇ ଯାଇଥିଲେ । ମୃତ୍ୟୁ ବେଳକୁ ଚନ୍ଦ୍ରଶେଖରଙ୍କୁ ୨୫ ବର୍ଷ ହୋଇଥିଲା । ଉତରାଖଣ୍ଡରେ ରହୁଥିବା ତାଙ୍କ ପରିବାରବର୍ଗଙ୍କୁ ଅବଶେଷ ପ୍ରଦାନ କରାଯାଇଛି । ସିୟାଚିନରେ ପାକିସ୍ତାନ ଉପରେ ଭାରତୀୟ ଯବାନ ନଜର ରଖିଥାନ୍ତି । ଏଠାରେ ବରଫ ଝଡ ଏବଂ ହିମ ସ୍ଖଳନ ଯବାନ ପାଇଁ ସବୁଠାରୁ ବଡ ବିପଦ ଭାବେ ପରିଗଣିତ ହୋଇଥାଏ । ଏଠାରେ ଡ୍ୟୁଟି କରୁଥିବା ପ୍ରତ୍ୟେକ ଯବାନଙ୍କୁ ଆର୍ମି ନମ୍ବର ଥିବା ଏକ ଆଲମ୍ୟୁନିୟମର ଆଇଡେଂଟି ଡିସ୍କ ପିନ୍ଧା ଯାଇଥାଏ । ଏଥିରୁ ଚନ୍ଦ୍ରଶେଖରଙ୍କ ଚିହ୍ନଟ ହୋଇପାରିଥିଲା । ୧୯୮୪ ପରଠାରୁ ଭାରତ ଏବଂ ପାକିସ୍ତାନର ୨୦୦୦ରୁ ଅଧିକ ସୈନିକ ଜୀବନ ହରାଇ ସାରିଛନ୍ତି ।
Comments are closed.