ଭୁବନେଶ୍ୱର: ରାଜଧାନୀର ଓଲ୍ଡ ଟାଉନ୍ ନିକଟ ବଶିଷ୍ଠନଗର କେନାଲ ରୋଡରେ ଗୁରୁବାର ରାତିରେ କିଛି ଦୁବୃର୍ତ୍ତ ଡକାୟତି ଯୋଜନା କରୁଥିବାବେଳେ ସେମାନଙ୍କ ଯୋଜନାକୁ ଲିଙ୍ଗରାଜ ପୋଲିସ ପଣ୍ଡ କରିବା ସହ ୫ ଜଣକୁ ଗିରଫ କରିଛି ।
ଗିରଫ ଡକାୟତମାନେ ଜଗନ୍ନାଥ ପ୍ରଧାନ, ନରେଶ ବେହେରା, ଅକ୍ଷୟ ମଲ୍ଲିଆ, ସରୋଜ କୁମାର ପାତ୍ର ଏବଂ ପୁନଆ ଭୋଇ ବୋଲି ଜଣାପଡିଛି ।
ମିଳିଥିବା ସୂଚନାନୁଯାୟୀ ଡକାୟତମାନେ ଡକାୟତି ଉଦ୍ୟମ କରୁଥିବା ବେଳେ ପୋଲିସର ଏକ ଟିମ୍ ରାତି ପେଟ୍ରୋଲିଂ କରୁଥିବା ବେଳେ ଖବର ପାଇ ଉକ୍ତ ଅଞ୍ଚଳରେ ଚଢାଉ କରି ସେମାନଙ୍କୁ ଧରିବାରେ ସଫଳ ହୋଇଥିଲା ।
ଏହି ଡକାୟତି ଗ୍ୟାଙ୍ଗ ନିକଟସ୍ଥ ନାଗେଶ୍ୱର ଟାଙ୍ଗି ଅଞ୍ଚଳରୁ ଚୋରି କରିବା ନେଇ ଯୋଜନା କରୁଥିବା ନେଇ ପୋଲିସ ସୁତ୍ରରୁ ପ୍ରକାଶ ।
ଅନ୍ୟପକ୍ଷରେ ପୋଲିସ ସେମାନଙ୍କ ଠାରୁ ମାରଣାସ୍ତ୍ର, ଲୁହାରଡ ଓ ଲଙ୍କାଗୁଣ୍ଡ ଆଦି ଜବତ କରିଛି।