ଚାଇନାରେ କୋଭିଡ୍ ସଂକ୍ରମଣ ବଢିବା ପରେ ରାଜ୍ଯମାନଙ୍କୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର କଡା ନିର୍ଦ୍ଦେଶ

ନୂଆଦିଲ୍ଲୀ: ଚାଇନା ଏବଂ ଅନ୍ୟାନ୍ୟ ଦେଶରେ କୋଭିଡ୍ ସଂକ୍ରମଣ ବୃଦ୍ଧି ପାଇବା ପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସଚିବ ରାଜେଶ ଭୂଷଣ ରାଜ୍ୟ ସରକାରଙ୍କୁ ପ୍ରାଥମିକ ଆଧାରରେ ଜେନୋମ ସିକ୍ୱେନ୍ସିଂ ଲାବୋରେଟୋରୀରେ କୋଭିଡ୍ ପଡିଟିଭ ମାମଲାର ନମୁନା ଦାଖଲ କରିବାକୁ କହିଛନ୍ତି।

ଜାପାନ, ଯୁକ୍ତରାଷ୍ଟ୍ର ଆମେରିକା, ଚୀନ୍, ରିପବ୍ଲିକ୍ ଅଫ୍ କୋରିଆ ଏବଂ ବ୍ରାଜିଲରେ କୋଭିଡ୍ ସଂକ୍ରମଣ ବୃଦ୍ଧି ହେତୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଜାତୀୟ ରୋଗ ନିୟନ୍ତ୍ରଣ (NCDC) ଏବଂ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ (ଆଇସିଏମଆର) କୁ ଚିଠି ଲେଖିଛି।

ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଜାରି ବିବୃତ୍ତିରେ ସଚିବ କହିଛନ୍ତି ଯେ ଭାରତୀୟ SARS-CoV-2 ଜେନୋମିକ୍ସ କନସୋର୍ଟିୟମ୍ (INSACOG) ନେଟୱାର୍କ ମାଧ୍ୟମରେ ବିଭିନ୍ନ ପ୍ରକାରର ଟ୍ରାକ୍ କରିବା ପାଇଁ ପଜିଟିଭ୍ ମାମଲାର ନମୁନାଗୁଡ଼ିକର ଜିନୋମ କ୍ରମର ପ୍ରାକ୍ଟିସକୁ ତ୍ୱରାନ୍ୱିତ କରିବା ଆବଶ୍ୟକ। ବିବୃତ୍ତିରେ କୁହାଯାଇଛି ଯେ ଏହିପରି ପ୍ରାକ୍ଟିସ ଦେଶରେ ବୁଲୁଥିବା ନୂଆ ଭେରିଆଣ୍ଟ ଗୁଡିକୁ ଠିକ ସମୟରେ ଚିହ୍ନଟ କରିବାରେ ସହାୟକ ହେବ। ଏହାଦ୍ୱାରା ଆଗୁଆ ଆବଶ୍ୟକ ପଦକ୍ଷେପ ନେଇ ହେବ।

ଜିରୋ-କୋଭିଡ ନୀତି ଅନୁଯାୟୀ ସରକାର ଏହାର କଡା ଲକଡାଉନ୍ ପ୍ରତିବନ୍ଧକକୁ ପ୍ରତ୍ୟାହାର କରିବା ପରେ ଚାଇନାରେ କୋଭିଡ୍ ମାମଲା ବଢିବାରେ ଲାଗିଛି। ମହାମାରୀ ବିଶେଷଜ୍ଞ ଏରିକ୍ ଫିଗେଲ-ଡିଙ୍ଗ କହିଛନ୍ତି ଯେ ଚାଇନାରେ କୋଭିଡ ମୃତ୍ୟୁ ସଂଖ୍ୟା ଏକ ଲକ୍ଷରେ ପହଞ୍ଚିବାର ସମ୍ଭାବନା ରହିଛି।

ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର ଏବଂ ଅନ୍ୟାନ୍ୟ ସ୍ୱାସ୍ଥ୍ୟ ଏଜେନ୍ସିଗୁଡ଼ିକ ନୂଆ COVID-19 ଭେରିଆଣ୍ଟର ଉତ୍ପତ୍ତି ଉପରେ ଅଧ୍ୟୟନ କରୁଛନ୍ତି ଯେହେତୁ କରୋନାଭାଇରସର ଲହର ପୃଥିବୀର ବିଭିନ୍ନ ଦେଶରେ ଏବେ ଦେଖିବାକୁ ମିଳୁଛି।