ମୁମ୍ବାଇ: ଟି୨୦ ବିଶ୍ୱକପ କ୍ରିକେଟରେ ଭାରତର ଖରାପ ପ୍ରଦର୍ଶନ ଯୋଗୁ ଚୟନକମିଟି ଚେତନ ଶର୍ମା ଏବଂ ଟିମକୁ ବରଖାସ୍ତ କରିଛି । ଏବେ ବିସିସିଆଇ ଚୟନ କମିଟି ପାଇଁ ଆବେଦନ ପତ୍ର ଆହ୍ୱାନ କରିଛି । ଇତି ମଧ୍ୟରେ ୬୦୦ ଊର୍ଦ୍ଧ୍ୱ ଆବେଦନ ଏ ନେଇ କରି ସାରିଛନ୍ତି । ଆବେଦନକାରୀଙ୍କ ମଧ୍ୟରେ ସଚିନ ତେନ୍ଦୁଲକର, ମହେନ୍ଦ୍ର ସିଂ ଧୋନୀ, ବୀରେନ୍ଦ୍ର ସେହ୍ୱାଗ ଓ ଇଞ୍ଜାମାମ ଉଲ ହକଙ୍କ ନାମ ରହିଛି । ପ୍ରଥମେ ବିସିସିଆଇ ଅଧିକାରୀ ଏହି ଆବେଦନ ନେଇ ଆଶ୍ଚର୍ଯ୍ୟଚକିତ ହୋଇ ଯାଇଥିଲେ । ତଦନ୍ତ ପରେ ଜଣାପଡିଥିଲା ସ୍ପାମ ମେଲ ମାଧ୍ୟମରେ ଏହା ସବୁ ନକଲି ମେଲ ଆଡ୍ରେସ ମାଧ୍ୟମରେ ଆବେଦନ କରାଯାଇଛି ।
ଭଲ ଭାବରେ ଯାଂଚ କରାଯିବା ପରେ ୧୦ଜଣଙ୍କ ନାମ ଶର୍ଟଲିଷ୍ଟ କରାଯିବ । ଏହା ପରେ ୫ଜଣଙ୍କ ନାମ ଘୋଷଣା କରାଯିବ । ବିସିସିଆଇ ଖୁବ୍ ଶୀଘ୍ର ଏହି କାର୍ଯ୍ୟ ଶେଷ କରିବାକୁ ଚାହୁଁଛି । ଟି୨୦ ବିଶ୍ୱକପରେ ଭାରତ ସେମିଫାଇନାଲରୁ ବିଦାୟ ନେଇଥିଲା ।
Comments are closed.