ବ୍ରହ୍ମପୁର: ପୂର୍ବତନ ସ୍ବାସ୍ଥ୍ୟ ମନ୍ତ୍ରୀ ନବ କିଶୋର ଦାସଙ୍କୁ ଗୁଳି କରିଥିବା ପୂର୍ବତନ ଏଏସଆଇ ଗୋପାଳ ଦାସଙ୍କ ବ୍ୟାଙ୍କ ଆକାଉଣ୍ଟ ଯାଞ୍ଚ ଚାଲିଛି। କ୍ରାଇମବ୍ରାଞ୍ଚ ଟିମ ଏମକେସିଜି ମେଡିକାଲ ପରିସରରେ ଥିବା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଶାଖାକୁ ଯାଇ ଗୋପାଳ ଓ ତାଙ୍କ ପରିବାର ଲୋକଙ୍କ ନାଁରେ ଥିବା ବ୍ୟାଙ୍କ ଆକାଉଣ୍ଟକୁ ଯାଞ୍ଚ କରିଥିଲା। କିଛି ବର୍ଷ ମଧ୍ୟରେ ଗୋପାଳ ଓ ତାଙ୍କ ପରିବାର ଲୋକେ କାହାଠାରୁ ଟଙ୍କା ଆଣିଛନ୍ତି କି ନାହିଁ, କାହାକୁ ଟଙ୍କା ପଠାଇଛନ୍ତି କି ନାହିଁ, କିଛି ବଡ ଧାରଣର ଆର୍ଥିକ କାରବାର ହୋଇଛି କି ନାହିଁ ସେ ଦିଗରେ ଯାଞ୍ଚ କରାଯାଇଥିଲା। ନବ ଦାସ ହତ୍ୟା ମାମଲାର ଗୁମର ଖୋଲିବାକୁ ରାଜ୍ୟ କ୍ରାଇମବ୍ରାଞ୍ଚର ଏକ ଟିମ ଗତ ୫ଦିନ ହେଲା ବ୍ରହ୍ମପୁରରେ ଡେରା ପକାଇଛି। ଏହି ଟିମ ପୂର୍ବରୁ ଅନେକ ଲୋକଙ୍କୁ ପଚରାଉଚରା କରିସାରିଛି। ଶନିବାର ସକାଳେ କ୍ରାଇମବ୍ରାଞ୍ଚ ଟିମ ପୁଣିଥରେ ଆଙ୍କୁଲି ଶିଳ୍ପାଞ୍ଚଳ ସ୍ଥିତ ଗୋପାଳଙ୍କ ନୂଆ ଘରକୁ ଯାଇଥିଲା। ସେଠାରେ ଗୋପାଳଙ୍କ ପତ୍ନୀ ଜୟନ୍ତୀଙ୍କ ସହ ପୁତୁରା ସୁମନ ଦାସ ଉପସ୍ଥିତ ଥିଲେ। ତଦନ୍ତକାରୀ ଟିମ ଗୋପାଳଙ୍କ ଘର ଭିତରେ ବୁଲି ବୁଲି ବିଭିନ୍ନପ୍ରକାରର କାଗଜପତ୍ର ଯାଞ୍ଚ କରିଥିଲେ। ଗୋପାଳଙ୍କ ଚିକିତ୍ସା ସମ୍ବନ୍ଧୀୟ ଅଧିକ କିଛି କାଗଜପତ୍ର ଦେଖିଥିଲେ। ସେଠାରୁ ଗୋପାଳ ଓ ତାଙ୍କ ପତ୍ନୀ, ପୁଅ, ଝିଅଙ୍କ ନାମରେ ଥିବା ବ୍ୟାଙ୍କ ଆକାଉଣ୍ଟ ଯାଞ୍ଚ କରିଥିଲେ। ପ୍ରାୟ ଦୁଇ ଘଣ୍ଟା ଧରି ଘର ଭିତରେ ତନାଘନା ଜାରି ରହିଥିଲା। ଏହାପରେ କ୍ରାଇମାବ୍ରାଞ୍ଚ ଅଧିକାରୀମାନେ ବ୍ରହ୍ମପୁର ନୂଆ ବସଷ୍ଟାଣ୍ଡକୁ ଯାଇଥିଲେ। ବ୍ରହ୍ମପୁର-ଝାରସୁଗୁଡ଼ା ଯାତାୟାତ କରୁଥିବା କିଛି ଘରୋଇ ବସର ଚାଳକ ଓ କଣ୍ଡକ୍ଟରଙ୍କୁ ଡାକି ଗୋପାଳଙ୍କ ଯିବାଆସିବା ଓ ପାର୍ସଲ ପଠାଇବା ସମ୍ପର୍କରେ ପଚରାଉଚରା କରିଥିଲେ। ଏହା ପୂର୍ବରୁ ଶୁକ୍ରବାର ମଧ୍ୟ ବ୍ରହ୍ମପୁର-ଝାରସୁଗୁଡା ଯାତାୟାତ କରୁଥିବା ଓଏସଆରଟିସି ବସ ଚାଳକଙ୍କୁ କ୍ରାଇମବ୍ରାଞ୍ଚ ପଚରାଉରା କରିଥିବା ବେଳେ ଶନିବାର ଘରୋଇ ବସ ଚାଳକଙ୍କୁ ପଚରାଉଚରା କରିଥିଲେ। କ୍ରାଇମବ୍ରାଞ୍ଚର ଗୋଟିଏ ଟିମ ଝାରସୁଗୁଡ଼ାରେ ଜୋରଦାର ତଦନ୍ତ ଚଳାଇଥିବା ବେଳେ ଅନ୍ୟ ଏକ ଟିମ ବ୍ରହ୍ମପୁରରେ ତନାଘନା ଜାରି ରଖିଛି। ହେଲେ ଗୋପାଳ ନବଦାସଙ୍କୁ କାହିଁକି ଗୁଳି କଲେ ତାହା ବର୍ତ୍ତମାନ ସୁଧା ସାମ୍ନାକୁ ଆସି ପାରିନାହିଁ।
BREAKING NEWS
- ସମାଲୋଚକଙ୍କ ଉପରେ ରାଗିଗଲେ କୋହଲି
- ନଡ୍ଡାଙ୍କ ରାଲି ପାଇଁ ବିଜେପି ଛୋଟ ଛୁଆଙ୍କୁ ବ୍ୟବହାର କରିଛି, ନିର୍ବାଚନ କମିଶନଙ୍କ ନିକଟରେ ଫେରାଦ ହେଲା ବିଜେଡି
- ଗୋଟିଏ ଲୋକସଭା ଓ ଦୁଇଟି ବିଧାନସଭାରେ ପ୍ରାର୍ଥୀ ବଦଳାଇଲା କଂଗ୍ରେସ, ଏବେ ବି ଅସ୍ପଷ୍ଟ ନୀଳଗିରି ଏବଂ କାକଟପୁର
- ଆଇପିଏଲ ୨୦୨୪: ବୃଦ୍ଧି ପାଉଛି ଶତକ ସଂଖ୍ୟା
- ବିଜେଡି ଶାସନରେ ଓଡ଼ିଶାର ପରିଚୟ ଓ ଭାଷା ପ୍ରତି ବିପଦ ରହିଛି: ମୋଦୀ
- ତୀରନ୍ଦାଜ ବିଶ୍ୱକପ: ୧୪ ବର୍ଷ ପରେ ଭାରତୀୟ ପୁରୁଷ ଟିମ ଜିତିଲା ସ୍ୱର୍ଣ୍ଣ
- ରାଜ୍ୟ ସରକାରକୁ ଜେପି ନଡ୍ଡାଙ୍କ ଟାର୍ଗେଟ୍: ଓଡ଼ିଶା ବିକାଶ ପାଇଁ ସରକାର ବଦଳିବା ଦରକାର
- ଜ୍ୟାକ୍ସଙ୍କ ବିସ୍ଫୋରକ ଶତକ, ବେଙ୍ଗାଲୁରର କ୍ରମାଗତ ଦ୍ୱିତୀୟ ବିଜୟ
- ମଦ୍ୟପ ଗାଡ଼ି ଚାଳକଙ୍କ ବିରୋଧରେ ଧରପଗଡ଼, ୩ ଜଣଙ୍କୁ ବାନ୍ଧିଲା ପୋଲିସ
- ଟାଇଟାନିକ ଜାହଜରେ ଯାତ୍ରା କରିଥିବା ବ୍ୟକ୍ତିଙ୍କ ଘଂଟା ନିଲାମ ହେଲା ରେକର୍ଡ ଟଙ୍କାରେ