ମୁମ୍ବାଇ: ୟଶରାଜ ଫିଲ୍ମସର ସ୍ପାଏ ୟୁନିଭର୍ସ ଗୋଟିଏ ପରେ ଗୋଟିଏ ଘୋଷଣା କରି ପ୍ରଶଂସକଙ୍କୁ ଆଶ୍ଚର୍ଯ୍ୟ କରାଇବାରେ ଲାଗିଛି । ନିକଟରେ ୱାର୨କୁ ନେଇ ମେକର୍ସଙ୍କ ପକ୍ଷରୁ ବଡ ଘୋଷଣା କରାଯାଇଛି । ହ୍ରିତିକ ରୋଶନଙ୍କ ୱାର ୨ରେ ପ୍ରଥମ ଥର ପାଇଁ ଜୁନିୟର ଏନଟିଆରଙ୍କ ଏଂଟ୍ରି ହୋଇଛି । ଏଥିରେ ଦର୍ଶକ ହ୍ରିତିକ ଓ ଏନଟିଆରଙ୍କ ମଧ୍ୟରେ ଏହି ଫିଲ୍ମରେ ମୁକାବିଲା ଦେଖିବାକୁ ମିଳିବ । ବ୍ରହ୍ମାସ୍ତ୍ର ଫେମ ଆୟନ ମୁର୍ଖାଜୀ ଏହାର ନିର୍ଦ୍ଦେଶନା ଦେବେ । ଚଳିତ ବର୍ଷ ଏହାର ଶୁଟିଂ ଆରମ୍ଭ ହୋଇଯିବ । ପଠାନ ପରେ ଟାଇଗର ୩ ଆସିବ । ଏହା ପରେ ୱାର ୨ ରିଲିଜ ହେବ । ସମସ୍ତ ଫିଲ୍ମ ମଧ୍ୟରେ ଲିଙ୍କ ଯୋଡିବା ପାଇଁ ମେକର୍ସ ଯୋଜନା କରୁଛନ୍ତି ।
୨୦୧୯ରେ ହ୍ରିତିକ ଓ ଟାଇଗର ଶ୍ରଫ ଅଭିନୀତ ୱାର ବକ୍ସ ଅଫିସରେ ଭଲ ବ୍ୟବସାୟ କରିଥିଲା । ୨୦୧୨ରୁ ୱାଇଆରଏଫ ସ୍ପାଏ ୟୁନିଭର୍ସ ଶୃଙ୍ଖଳାର ଆରମ୍ଭ କରିଥିଲେ । ଏକ ଥା ଟାଇଗର ଏହାର ପ୍ରଥମ ଫିଲ୍ମ ଥିଲା । ଏହା ପରେ ଟାଇଗର ଜିନ୍ଦା ହେ, ୱାର, ପଠାନ ରିଲିଜ ହୋଇ ସଫଳତା ହାସଲ କରିସାରିଛି । ଏବେ ଟାଇଗର ୩, ୱାର ୨ ଏବଂ ଟାଇଗର ଭର୍ସେସ ପଠାନ ଫିଲ୍ମ ନେଇ ପ୍ରସ୍ତୁତି ଆରମ୍ଭ ହୋଇଛି ।
Comments are closed.