ମୁମ୍ବାଇ: ୟଶରାଜ ଫିଲ୍ମସର ଧୂମ ୪ ନେଇ ପ୍ରସ୍ତୁତି ଆରମ୍ଭ ହୋଇଛି । ଏ ପର୍ଯ୍ୟନ୍ତ ମେକର୍ସଙ୍କ ପକ୍ଷରୁ ବିଧିବଦ୍ଧ ଭାବେ ଏହାର ଷ୍ଟାରକାଷ୍ଟ ନେଇ ଘୋଷଣା କରାଯାଇ ନାହିଁ । ୨୦୦୪ରେ ଧୂମ ଫିଲ୍ମରେ ଜନ ଆବ୍ରାହାମ ଖଳନାୟକ ଭୂମିକାରେ ଚର୍ଚ୍ଚିତ ହୋଇଥିଲେ । ଏହି ଫିଲ୍ମ ସୁପରହିଟ ମଧ୍ୟ ହୋଇଥିଲା । ପରେ ଧୂମ ୨ରେ ହ୍ରିତିକ ରୋଶନ, ଧୂମ ୩ରେ ଅମୀର ଖାଁ ଏହି ରୋଲ କରିଥିଲେ । ଏବେ କେତେକ ୱେବସାଇଟରେ ପ୍ରକାଶିତ ରିପୋର୍ଟ ଅନୁସାରେ ଧୂମ ୪ରେ ମେକର୍ସ ପୁନର୍ବାର ଜନଙ୍କୁ ନେବା ପାଇଁ ଆଗ୍ରହ ପ୍ରକାଶ କରିଛନ୍ତି ।
ନିକଟରେ ଶାହାରୁଖ ଖାଁ ଅଭିନୀତ ପଠାନ ଫିଲ୍ମରେ ଜନ ଦମଦାର ଖଳନାୟକ ଭୂମିକା ତୁଲାଇଥିଲେ । ବକ୍ସ ଅଫିସରେ ଏହା ଐତିହାସିକ ସଫଳତା କରିବା ସହ ଜନଙ୍କ ଭୂମିକାଙ୍କୁ ଦର୍ଶକ ବେଶ ପସନ୍ଦ କରିଥିଲେ । ପୂର୍ବରୁ ବଲିଉଡ ହଙ୍ଗାମାରେ ପ୍ରକାଶିତ ରିପୋର୍ଟରେ ଶାହାରୁଖ ଏବଂ ଅମୀର ମଧ୍ୟ ଧୂମ ୪ରେ ଅଭିନୟ କରିବା ନେଇ ଆଗ୍ରହ ପ୍ରକାଶ କରିଛନ୍ତି । ଧୂମର କ୍ଲାଇମେକ୍ସରେ ଜନଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରାଯାଇ ନ ଥିଲା । ଏହା ମାଧ୍ୟମରେ ମେକର୍ସ ତାଙ୍କୁ ପୁନର୍ବାର ଏଥିରେ ସାମିଲ କରିବାକୁ ଚାହୁଁଛନ୍ତି । ଯେ ପର୍ଯ୍ୟନ୍ତ ମେକର୍ସଙ୍କ ପକ୍ଷରୁ ବିଧିବଦ୍ଧ ଭାବେ ଏ ନେଇ ଘୋଷଣା କରାଯାଇ ନାହିଁ ସେ ପର୍ଯ୍ୟନ୍ତ ବ୍ୟଗ୍ରତା ସହକାରେ ଦର୍ଶକ ଅପେକ୍ଷା କରିବା ବ୍ୟତୀତ ଉପାୟ ନାହିଁ ।
Comments are closed.