ଲାହୋର: ପାକିସ୍ତାନ କ୍ରିକେଟ ବୋର୍ଡ ନ୍ୟୁଜିଲାଣ୍ଡର ଗ୍ରାଂଟ ବ୍ରେଡବର୍ଣ୍ଣଙ୍କୁ ଜାତୀୟ ପୁରୁଷ କ୍ରିକେଟ ଟିମର କୋଚ ଭାବେ ନିଯୁକ୍ତ କରିଛି । ୧୩ ମେରୁ ୨ ବର୍ଷ ପାଇଁ ସେ ଏହି ଦାୟିତ୍ୱ ତୁଲାଇବେ । ଦକ୍ଷିଣ ଆଫ୍ରିକାର ପୂର୍ବତନ କ୍ରିକେଟର ଆଣ୍ଡ୍ର୍ୟୁ ପୁଟିକ ବ୍ୟାଟ୍ସମ୍ୟାନ କୋଚ, ଡ୍ରିକସ ସାଇମନ ଷ୍ଟ୍ରେନ୍ଥ ଆଣ୍ଡ କଣ୍ଡିସନ କୋଚ ଏବଂ କ୍ଲିଫ ଡିକନ ଫିଜିଓଥେରାପିଷ୍ଟ ଭାବେ କାର୍ଯ୍ୟ ତୁଲାଇବେ । ବ୍ରେଡବର୍ଣ୍ଣ ନିକଟରେ ସମ୍ପନ୍ନ ହୋଇଥିବା ନ୍ୟୁଜିଲାଣ୍ଡ ବିପକ୍ଷ ସିରିଜରେ ପାକିସ୍ତାନର ପରାମର୍ଶଦାତା ରହିଥିଲେ । ପାକିସ୍ତାନ ୪-୧ରେ ଏହି ସିରିଜ ଜିତି ନେଇଥିଲା । ୨୦୧୮ରୁ ୨୦୨୦ ପର୍ଯ୍ୟନ୍ତ ବ୍ରେଡବର୍ଣ୍ଣ ଫିଲ୍ଡିଂ କୋଚ ଦାୟିତ୍ୱ ତୁଲାଇଥିଲେ ।
ପାକିସ୍ତାନ ପରି ଦକ୍ଷତାସମ୍ପନ୍ନ ଟିମର କୋଚ ଦାୟିତ୍ୱ ତୁଲାଇବା ମୋ ପାଇଁ ଗର୍ବର ବିଷୟ ବୋଲି ସେ କହିଛନ୍ତି । ପାକିସ୍ତାନ ଏବେ ଆଫଗାନିସ୍ତାନ ବିପକ୍ଷରେ ୩ ମ୍ୟାଚ ବିଶିଷ୍ଟ ଦିନିକିଆ କ୍ରିକେଟ ସିରିଜ ଖେଳିବ । ଆଗକୁ ବିଶ୍ୱକପ ହେବାକୁ ଥିବାରୁ ପାକିସ୍ତାନ ଏବେଠାରୁ ଜୋରଦାର ପ୍ରସ୍ତୁତି ଆରମ୍ଭ କରି ଦେଇଛି । ଗତ ବିଶ୍ୱକପରେ ପାକିସ୍ତାନ ସେମିଫାଇନାଲରେ ପ୍ରବେଶ କରିପାରି ନ ଥିଲା ।
Comments are closed.