ମୁମ୍ବାଇ: ବଲିଉଡର ଲୋକପ୍ରିୟ ହୀରୋ ଇମ୍ରାନ ହାସମୀ ଖୁବ ଶୀଘ୍ର ଦକ୍ଷିଣ ଭାରତ ସିନେମାରେ ପାଦ ଥାପିବାକୁ ଯାଉଛନ୍ତି । ନିର୍ଦ୍ଦେଶକ ସୁଜିତ ତାଙ୍କର ଆଗାମୀ ଗ୍ୟାଙ୍ଗଷ୍ଟାର ଫିଲ୍ମ ଓଜିରେ ଇମ୍ରାନଙ୍କୁ ଖଳନାୟକ ଭୂମିକା ଅଫର କରିଛନ୍ତି । ପବନ କଲ୍ୟାଣ ହୀରୋ ଭୂମିକାରେ ଅବତୀର୍ଣ୍ଣ ହେବେ । ଏହି ଫିଲ୍ମ ନିଶ୍ଚିତ ଭାବେ ଦର୍ଶକଙ୍କୁ ପସନ୍ଦ ଆସିବ ବୋଲି ଇମ୍ରାନ ଆଶା ବ୍ୟକ୍ତ କରିଛନ୍ତି । ପୂର୍ବରୁ ସେ ଏଥିରେ ଅଭିନୟ କରିବା ନେଇ କୌଣସି ସୂଚନା ମଧ୍ୟ ଦେଇ ନ ଥିଲେ । ନିର୍ଦ୍ଦେଶକ ଏହାର ପୋଷ୍ଟର ଶେୟାର କରିବା ପରେ ସମସ୍ତ ଚକିତ ହୋଇ ଯାଇଥିଲେ ।
ଶ୍ରୀୟା ରେଡ୍ଡୀ ଓ ପ୍ରକାଶ ରାଜ ମଧ୍ୟ ଏଥିରେ ଗୁରୁତ୍ୱପୂର୍ଣ୍ଣ ଭୂମିକାରେ ଅବତୀର୍ଣ୍ଣ ହେବେ । ଥମନ ଏସ ଏହାର ସଙ୍ଗୀତ ଦେଇଥିବା ବେଳେ ଡିଭିଭି ଦନୟା ଏହାକୁ ପ୍ରଡ୍ୟୁସ କରୁଛନ୍ତି । ଫିଲ୍ମର କାହାଣୀ ସମ୍ପର୍କରେ ବିଶେଷ ଖୁଲାସା କରାଯାଇ ନାହିଁ । ନିର୍ଦ୍ଦେଶକଙ୍କ ମତରେ ଏଥିରେ ଅଭିନୟ ସମସ୍ତ କଳାକାରଙ୍କୁ ଏକ ଭିନ୍ନ ଚରିତ୍ରରେ ଦର୍ଶକମାନେ ଦେଖିବାକୁ ପାଇବେ ।
Comments are closed.