ମୁମ୍ବାଇ: ବଲିଉଡ଼ି ଅଭିନେତ୍ରୀ ଇଶା ତଲୱାର ଏବେ ଖୁବ୍ ଚର୍ଚ୍ଚାରେ । ତାଙ୍କ ଅଭିନିତ‘ମୀର୍ଜାପୁର ସିଜିନ୍-୨’ରେ ସେ ବେଶ୍ ଲୋକପ୍ରିୟ ହୋଇଥିଲେ । ଏଥିରେ ତାଙ୍କ ଅଭିନୟକୁ ଲୋକେ ଖୁବ୍ ପସନ୍ଦ କରିଛନ୍ତି । ଏବେ ଏହାର ସିଜିନ୍-୩ ପରଦାକୁ ଆସିବ । ଏଥିରେ ବି ଈଶାଙ୍କୁ ନାୟିକା ହେବାର ସୁଯୋଗ ମିଳିଛି । ସେହିପରି ଆଗକୁ ଆସୁଛି ନୂଆ ୱେବସିରିଜ୍ ‘ଚମକ’ । ଏଥିରେ ଇଶା ମୁଖ୍ୟ ଭୂମିକାରେ ନଜର ଆସିବେ ।
ସୋନି ଲାଇଭ୍ରେ ଷ୍ଟ୍ରିମିଂ ହେବାକୁ ଯାଉଛି ପଞ୍ଜାବ ମ୍ୟୁଜିକ୍ ଇଣ୍ଡଷ୍ଟ୍ରିର ଘଟଣାବଳି ଆଧାରିତ ୱେବ୍ ସିରିଜ ‘ଚମକ’ । ଆଉ ଏଥିରେ ମୁଖ୍ୟ ଭୂମିକାରେ ଇଶା ତଲୱାର ଅଭିନୟ କରିଛନ୍ତି । ପଞ୍ଜାବୀ ସଙ୍ଗୀତ ବିଶ୍ୱ ସାରା ବେଶ୍ ଲୋକପ୍ରିୟ । ପଞ୍ଜାବୀ ମ୍ୟୁଜିକ୍ରେ ଥିବା ଭାବପ୍ରବଣତା, ବାସ୍ତବ ଝଲକ ଏବଂ ମ୍ୟୁଜିସିଆନ୍ଙ୍କ ଉତ୍ସର୍ଗକୁ ନେଇ ଏହାର କାହାଣୀ ପର୍ଯ୍ୟବସିତ । ଏଥିରେ ଯୁଗରାଜ ଚୌହାନ ନିର୍ଦ୍ଦେଶନା ଦେଇଛନ୍ତି ।
ଈଶା କହିଛନ୍ତି ଯେ, ଏଥିରେ ଅଭିନୟ କରିବାକୁ ସୁଯୋଗ ମିଳିଥିବାରୁ ମୁଁ ବହୁତ ଖୁସି । ଫିଲ୍ମ ‘ଚମକ’ ମୋ କ୍ୟାରିୟର ପାଇଁ ସ୍ମରଣୀୟ ହେଇ ରହିବ । ଏଥିରେ ଯେତିକି ଭାବପ୍ରବଣତା ରହିଛି ସେତିକି ମଧ୍ୟ ଗ୍ଲାମର ଦୃଶ୍ୟ ରହିଛି । କଳାକାରଙ୍କ ଭିତରେ ଥିବା ଜଟିଳ ସମ୍ପର୍କ ମଧ୍ୟ ଦୃଶ୍ୟାୟିତ ହେଇଛି । ଈଶା ରୋହିତ ସେଟ୍ଟୀଙ୍କ ନିର୍ଦ୍ଦେଶିତ ୱେବ୍ ସିରିଜ୍ ସୋ ‘ଇଣ୍ଡିଆନ୍ ପୋଲିସ ଫୋର୍ସ’ରେ ଅଭିନୟ କରି ବେଶୀ ଚର୍ଚ୍ଚାକୁ ଆସିଥିଲେ ।
Comments are closed.