ମୁମ୍ବାଇ: ବଲିଉଡ଼ର ଲୋକପ୍ରିୟ ଅଭିନେତ୍ରୀ ହେଉଛନ୍ତି କ୍ୟାଟ୍ରିନା କୈଫ୍ । ତାଙ୍କର ଲୁକ୍ ଓ ଅଭିନୟ ପାଇଁ ସେ ବେଶ୍ ପରିଚିତ । ଫିଲ୍ମ ‘ଟାଇଗର -୩’ ପରଠାରୁ କ୍ୟାଟ୍ରିନାଙ୍କୁ ଆଉ ଅଭିନୟ ଦୁନିଆରେ ଦେଖିବାକୁ ମିଳି ନ ଥିଲା । ଏମିତି କି ବିବାହ ପରେ ସେ ଅଭିନୟ ଦୁନିଆରୁ ନିଜକୁ ଦୂରେଇ ରଖିଛନ୍ତି । ନିକଟରେ ସେ ମୁମ୍ବାଇ ବିମାନବନ୍ଦରରେ ନଜର ଆସିଥିଲେ । ବହୁ ଦିନ ପରେ କ୍ରାଟିନାଙ୍କୁ ଦେଖି ତାଙ୍କ ପ୍ରଶଂସକମାନେ ବେଶୀ ଉତ୍ସାହିତ ହୋଇ ପଡ଼ିଥିଲେ । ଏହି ସମୟରେ ପ୍ରଶଂସକମାନେ ତାଙ୍କୁ ଘେରି ଯାଇଥିଲେ । ଏହାର ଫଟୋ ଓ ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
ଅଭିନେତ୍ରୀ କାଟ୍ରିନା କୌଣସି ସ୍ଥାନରୁ ବିମାନରେ ଆସି ମୁମ୍ବାଇ ବିମାନବନ୍ଦରରେ ପହଞ୍ଚିଥିଲେ । ବିମାନବନ୍ଦରରୁ ବାହାରୁଥିବା ବେଳେ ଦୀର୍ଘଦିନ ପରେ ତାଙ୍କୁ ଦେଖି ପ୍ରଶଂସକମାନେ ବହୁତ ଖୁସି ହୋଇଯାଇଥିଲେ । ତାଙ୍କ ସହ ସେଲଫି ନେବା ପାଇଁ ଭିଡ଼ ଜମାଇଥିଲେ । ତାଙ୍କୁ ପ୍ରଶଂସକମାନେ ଏମିତି ଘେରି ଯାଇଥିଲେ ଦୀର୍ଘ ସମୟ ଧରି ସେ ଭିଡ଼ରୁ ବାହାରି ପାରି ନ ଥିଲେ । ପରେ ପୋଲିସ ଓ ତାଙ୍କ ସିକ୍ୟୁରିଟି ଆସି ଭିଡ଼ ହଟାଇଥିଲେ ।
Comments are closed.