ମୁମ୍ବାଇ: ଅଭିନେତା ସନ୍ନି ଦେଓଲଙ୍କ ବହୁ ପ୍ରତୀକ୍ଷିତ ମସାଲା ଆକ୍ସନ ଏଣ୍ଟରଟେନର୍ ‘ଗଦର-୨’ ବକ୍ସ ଅଫିସରେ ଜବରଦସ୍ତ ପ୍ରଦର୍ଶନ କରିଛି। ପରଦାରେ ତାରା-ସାକିନାଙ୍କ ଯୋଡିକୁ ଦେଖି ପ୍ରଶଂସକମାନେ ଖୁସି ଅଛନ୍ତି। ଦର୍ଶକ ଫିଲ୍ମକୁ ବହୁତ ଭଲ ପାଇବା ଦେଇଛନ୍ତି। ‘ଗଦର-୨’ ରିଲିଜ ସପ୍ତାହରେ ମେଗା ବ୍ଲକବଷ୍ଟର ଚଳଚ୍ଚିତ୍ର ‘ପଠାନ’ ଏବଂ ‘ବାହୁବଳୀ’ର ରେକର୍ଡ ଭାଙ୍ଗିଛି।
୨୦୦୧ରେ ଆସିଥିବା ‘ଗଦର ଏକ ପ୍ରେମ କଥା’ର ୨୨ ବର୍ଷ ପରେ ଏହାର ସିକ୍ୱେଲ ‘ଗଦର ୨ ’ଶୁକ୍ରବାର ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ଏହି ଚଳଚ୍ଚିତ୍ରଟି ପ୍ରଥମ ଦିନରୁ ଥିଏଟରରେ ବହୁ ଦର୍ଶକଙ୍କୁ ଆକର୍ଷିତ କରୁଛି। ୮୦ କୋଟି ଟଙ୍କା ବିନିମୟରେ ନିର୍ମାଣ ହୋଇଥିବା ଏହି ଫିଲ୍ମଟି ପାଞ୍ଚ ଦିନ ମଧ୍ୟରେ ୨୦୦ କୋଟି ପାର୍ କରିଛି । ସନ୍ନି ଦେଓଲଙ୍କ ଫିଲ୍ମ ପ୍ରତିଦିନ ବକ୍ସ ଅଫିସରେ ଏକ ନୂଆ ରେକର୍ଡ ଭାଙ୍ଗିବାରେ ଲାଗିଛି । ଏମିତି କି ପଞ୍ଚମ ଦିନରେ ଫିଲ୍ମ ଦ୍ୱାରା ପ୍ରସ୍ତୁତ ହୋଇଥିବା କଲେକ୍ସନ ଏବେ ଚଳଚ୍ଚିତ୍ର ସମାଲୋଚକଙ୍କ କଳ୍ପନା ବାହାରେ । ସ୍ୱାଧୀନତା ଦିବସ ଅର୍ଥାତ ଛୁଟିଦିନରେ ଏହି ଚଳଚ୍ଚିତ୍ରଟି ୫୬ କୋଟିର ଏକ ବଡ କଲେକ୍ସନ କରିଛି ।
ରିଲିଜ ଦିନ ଫିଲ୍ମଟି ୪୦.୧୦ କୋଟି ଟଙ୍କାର ଓପନିଂଙ୍ଗି କଲେକ୍ସସନ୍ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଖିଲା । ଦ୍ୱିତୀୟ ଦିନରେ ଫିଲ୍ମଟି ୪୩.୦୮ କୋଟି ଓ ତୃତୀୟ ଦିନରେ ୫୧.୭୦ କୋଟିରୁ ଅଧିକ ଟଙ୍କା ରୋଜଗାର କରିଥିଲା । ସେହି ପରି ଚତୁର୍ଥ ଦିନ ଫିଲ୍ମଟି ୩୮.୭୦ କୋଟି ଟଙ୍କା ରୋଜଗାର କରିଥିଲା । କିନ୍ତୁ ପଞ୍ଚମ ଦିନ ଅର୍ଥାତ୍ ଗତକାଲି ଫିଲ୍ମଟି ୫୬.୫୦ କୋଟି ଟଙ୍କାର ରୋଜଗାର କରିଛି । ଏହା ସହିତ ଗଦର-୨ର ପଞ୍ଚମ ଦିନର ରୋଜଗାର ମିଶାଇ ମୋଟ ରୋଜଗାର ୨୦୦ କୋଟି ପାର୍ କରିଛି । ଅର୍ଥାତ୍ ବର୍ତ୍ତମାନ ଏହି ଫିଲ୍ମଟିର ମୋଟ ଆୟ ୨୩୦.୦୮ କୋଟି ଟଙ୍କାକୁ ବୃଦ୍ଧି କରାଯାଇଛି ।
Comments are closed.