ଭୁବନେଶ୍ଵର: ବର୍ଷା ହେଲା ମାତ୍ରେ ଲୋକଙ୍କୁ ଘାରୁଛି ବଜ୍ରାଘାତର ଭୟ । ଗତ କିଛିଦିନ ମଧ୍ୟରେ ବଜ୍ରାଘାତରେ ରାଜ୍ୟର ଅନେକ ଲୋକଙ୍କ ଜୀବନ ଗଲାଣି । ତେବେ ଗତକାଲି ଗୋଟିଏ ଦିନରେ ରାଜ୍ୟର ବିଭିନ୍ନ ସ୍ଥାନରେ ବଜ୍ରପାତ ଘଟି ୧୦ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି । ଖୋର୍ଦ୍ଧା ଜିଲ୍ଲାରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ବଲାଙ୍ଗୀରରେ ୨ ଜଣ, ଅନୁଗୋଳ, ବୌଦ୍ଧ, ଜଗତସିଂହପୁର, ଢେଙ୍କାନାଳ ଜିଲ୍ଲାରେ ଜଣେ ଲେଖାଏଁ ପ୍ରାଣ ହରାଇଛନ୍ତି । ଏନେଇ ସ୍ବତନ୍ତ୍ର ରିଲିଫ୍ କମିଶନ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ସୂଚନା ଅନୁସାରେ, ଶନିବାର ଅପରାହ୍ନରେ ରାଜଧାନୀ ଭୁବନେଶ୍ବର ସମେତ ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସାଙ୍ଗକୁ ଭୟଙ୍କର ବିଜୁଳି ଓ ଘଡଘଡିରେ ଥରି ଯାଇଥିଲା ସମ୍ପୁର୍ଣ୍ଣ ରାଜ୍ୟ । ରାଜ୍ୟର ୬ଟି ଜିଲ୍ଲାରେ ବଜ୍ରାଘାତରେ ୧୦ ଜଣଙ୍କ ମୃତ୍ୟୁ ହୋଇଛି । ସେଥିରୁ କେବଳ ଖୋର୍ଦ୍ଧା ଜିଲ୍ଲାରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି । ଲୋକମାନେ ବାହାରେ ଥିବାବେଳେ ହଠାତ୍ ବର୍ଷା ସହ ବିଜୁଳି ମାରିବାରୁ ସେମାନେ ବଜ୍ରାପାତର ଶିକାର ହୋଇଥିଲେ ।
Comments are closed.